د پاکستان په جنوبي وزیرستان سیمه کې پر امنیتي ځواکونو خونړی برید شوی دی.

د پاکستان د پوځ د عامه اړیکو  دفتر لخوا د خپور شوي بیان له مخې د خیبرپښتونخوا ایالت د جنوبي وزیرستان په سیمه کې ترهګرو د امنیتي په یوې پوستې خونړی برید کړی چې په نتیجه کې ۴ تنو سرتیرو ژوند د لاسه ورکړی دی.

د برید نه وروسته  امنیتي ځواکونو سمدلاسه په ځوابي برید لاس پورې کړ چې نښته رامنځته شوه.

په نښته کې ۴ تنه ترهګر هم له منځه وړل شوي دي.

په بیان کې راغلي دي چې د برید نه وروسته په سیمه کې پراخه د پلټنې او تصفیې عملیات پیل شوي دي.

د ویلو ده چې یوه اونۍ مخکې هم ترهګرو د شمالي وزیرستان د میرعلي په سیمه کې د امنیتی ځواکونو پر پوستې برید کړی وو.

وروسته امنیتي ځواکونو سیمه محاصره کړې وه او د ترهګرو سره نښته کړې وه. پدې نښته کې هم دوو تنو ملیشه سرتیرو ژوند د لاسه ورکړی وو او ۴ تنه ترهګر وژل شوي وو.