روحاني : په بهر کې د ایران د بلاک شوو پیسو د خلاصولو په اړه کار کوو
د ایران ولسمشر حسن روحاني وویل چې د هیواد نه بهر د ایران د کنګل شوو پیسو د خلاصولو په خاطر هلې ځلې کوي.
روحاني په پلازمینه تهران کې جوړه شوې د اقتصادي هماهنګۍ په مرکز کې غونډې ته وکړې.
هغه وویل چې حکومت د سیمې هیوادونو سره د مالي کانالونو په مسئله کې د کړو تړونونو په چټکۍ سره عملي کولو هڅه کوي.
هغه وویل چې د امریکا لخوا پر ایران د لګول شوو تحریمونو له امله د سختو اقتصادي فشارونو لاندې قرار لرو خو د هیواد نه بهر د ایران د کنګل شوو پیسو د خلاصولو او یو ځل بیا د استفادې په خاطر هلې ځلې کوو. د هیواد نه بهر زمونږ د بلاک شوو پیسو د خلاصون په خاطر هلې ځلې روانې دي.
روحاني وویل چې د چین ، اوراسیا او سیمې د هیوادونو سره د انرژۍ ، تکنالوژۍ او اقتصادي اړیکو د لا پراختیا په خاطر باید ځانګړي پلانونه جوړ کړو.
د بهرنیو چارو وزیر محمد جواد ظریف هم په چین کې د چینایي مقاماتو سره په لیدونو کې د مالي کانال، ټرانسپورت او سمندري برخو کې د ډیر ښه تړونونه لاسلیک کړي .
همداشان د ایران د مرکزي بانک رئیس عبدالناصر همتي پرون په بغداد کې د عراقي چارواکیو سره د مالي سرچینو نه د استفادې په اړه ځیني مهم تفاهمونه کړي دي.
همتي پرون د عراق د مرکزي بانک رئیس مصطفی غالب او عراق د تجارت وزیر سلیم جواد عبدالهادي الچلبي سره د لیدونو نه وروسته په عراق کې د ایران د بلاک شوو پيسو د خلاصون په اړه په تفاهم ورسید.
