ایران  د پنځه جمع یو د لاسلیک کړي اټومي تړون  د تهداتو د ځنډولو په برخه کې دریم  ګام  اوچتوي.

دا خبره  د ایران د بهرنیو چارو د وزارت ویاند  عباس موسوي  وکړه. هغه وویل چې هیواد به يي د اټومي  تړون د تهداتو د ځنډولو په برخه کې دری ګام اوچت کړي  خو دا ګام  به د تیرو ګامونو په پرتله  لا قوي  ګام  وي.

موسوي وویل چې  ایران به  د راتلوونکي  پنجشنبې پر ورځ د اټومي تړون د ځینو تهداتو د ځنډولو په برخه کې  دریم ګام  اوچت کړي. هغه پدې اړه  لږ معلومات ورکړل.

هغه وویل د دریم  ګام  د اوچتولو  پلان  جوړ شوی  او تطبیق ته  چمتو دی. دریم  ګام  به د لومړي او دویمو ګامونو په پرتله  لا قوي  وي.

موسوي وویل که چیرې  د اټومي  تړون په اړه  ډیپلوماتیکي هلې ځلې  نتیجه ورکړي  کیدای شي چې اوچت شوي  ګامونه  بیرته لغوه شي. د بهرنیو چارو وزیر په فرانسه کې په لیدونو کتنو بوخت  دی  او مرستیال يي عباس عراقچي  هم  پاریس ته سفر کوي. هغه وویل چې ایراني چارواکي  د ډیپلوماتیکو لارو څخه د اټومي تړون د ژغورلو  تمه کیږي.

موسوي  وویل که چیرې  اروپايي ټولنه  د اټومي تړون د حفاظت  په برخه کې  لازم ګامونه  اوچت کړي او په کړو ژمنو عمل وکړی  ایران به دریم  ګام د اوچتیدو  به لاس واخلي.