د پاکستان د پوځ د مشر د دندې موده ۳ کاله نوره هم وغځوله شوه

د پاکستان  د لومړي وزیر دفتر پدې اړه په خپور کړي بیان کې  ویلي دي چې  د ستر جنرال قمر جاوید باجوه  د موجودې دندې  موده  د سرته رسیدو  د نیټې  نه په اعتبار سره  د دری نورو  کلونو لپاره  وغځول شوه.

دا پریکړه  د سیمه ایز امنیت مسئله  په نظر کې نیولو سره  شوې ده .

د ویلو ده  چې  جنرال قمر جاوید باجوه  د ۲۰۱۶ کال  د نوامبر په میاشت کې د پخواني لومړي وزیر نواز شریف لخوا د هیواد د وسله والو ځواکونو د مشر په توګه وټاکل شو. د هغه د دندې موده  د ۲۰۱۹ کال د نوامبر په میاشت کې سرته رسیده چې د موجود لومړي وزیر عمران خان لخوا د ۳ نورو کلونو لپاره وغځول شوه.