د ایران پر پوله ساتو ځواکونو وسله وال برید وشو

د ایران د فارس خبري اژانس د خبر له مخې  تیره شپه د ایران په لویدیځ کې د عراق سره په پوله کې د کردستان ایالت اړوند د بانی د ښار په اطرافو کې  د نامعلومو کسانو لخوا په  پوله ساتو ځواکونو  وسله وال برید وشو.

د برید نه وروسته د ایراني پوله ساتو او برید کوونکو ترمنځه نښته وشوه چې په پایله کې یو تن ایراني پوله ساتي ژوند د لاسه ورکړ.

د برید مسئولیت تر اوسه پورې چا په غاړه  ندی اخیستی.