ایران  دا ځل د طالبانو نه د ښکاره ملاتړ  کولو  اړوند  څرګندونې وکړې.

د ایران  د ملي امنیت او بهرنیو سیاستونو  د کمیسیون رئیس  حشمت الله فلاحت پیشه وویل چې  ایران  مجبور دی چې  د داعش ترهګرې ډلې پر خلاف د مبارزې په خاطر  د طالبانو سره  همکاري وکړي.

هغه وویل چې داعش ترهګرې ډلې غړي  په افغانستان کې پخپله د امریکا لخوا روزل کیږي. هغه وویل سره ددې چې  ایران  د طالبانو سره  ترخې خاطرې لري  او اوس هم هر څه  ګوري  خو  په افغانستان کې د داعش پر خلاف د مبارزې په خاطر  مجبور دی  چې  د طالبانو سره همکاري وکړي.

هغه وویل چې  داعش ترهګره  ډله  د هرې ورځې په تیریدو سره  په افغانستان کې لا قوي کیږي  . مونږ  مجبور یو چې د  داعش پر خلاف د مبارزې په خاطر  د طالبانو سره همکاري وکړو. ایران د همدې امله  د طالبانو سره  مذاکرات پر مخ وړي.

هغه وویل چې  ایران  پخوا  د  طالبانو سره  جدي ستونزې درلودې او ترینه ترخې خاطرې  لري  خو  د داعش پر خلاف د مبارزې په خاطر د طالبانو سره همکارۍ ته مجبور یو. د ویلو ده چې دا  لومړنی جګپوړی ایراني چارواکی دی چې په ښکاره توګه د طالبانو سره د همکارۍ نه  یادونه کوي.

یو څه موده مخکې  د ایران د بهرنیو چارو وزیر  ویلي وو چې  طالبانو ته باید د افغانستان په راتلوونکې کې رول  ورکړل شي.

افغانستان د ایران د بهرنیو چارو د وزیر پر خلاف ډیر سخت غبرګون ښودلی وو.