د تورکیې د جغرافیه راجستر شوي‌ توکي

پدې خپرونه کې د ترابزون ولایت د مشهورې ډوډۍ په اړه تاسې ته لنډ معلومات درکوو.

د تورکیې د تورې بحیرې په سواحلو کې پروت  د ترابزون ولایت مشهورې  د ( وقفې کبیر ) په نامه ډوډۍ  خپل نوم ددې ولایت د وقفې کبیر ولسوالۍ نه اخیستی دی. دا ډوډۍ د غرنیزو سیمو د کولتور پایله ده   د اوږدې مودې لپاره د تازه پاتې کیدو ځانګړتیا لري.دا ډوډۍ د اوږد عمر له امله مشهوره ده.

د ویلو ده چې دا ډوډۍ  په ۲۰۱۸ میلادي‌ کال  د ترابزون ولایت د وقفې کبیر ولسوالۍ د ښاروالۍ په غوښتنه او وړاندېز  د تورکیې په جغرافیه کې راجستر شوو محصولاتو په لست  کې شامل شوه.

د سیمې خلک چې ډیری مالداري‌ کوي په ځانګړې توګه په پسرلي‌ کې  کورنۍ د غرنیزو سیمو د تلو لپاره داسې ډوډۍ ته اړتیا درلوده چې د اوږد عمر خاونده وي‌ او ژر خرابه نشي. د همدې امله  د وقفې کبیر مشهوره ډوډۍ کې  چې اوږد عمر لري‌ کشف او پخه کړه. دا ډوډۍ چې د تیګې په تنور کې  پخیږي‌ په پخولو کې د تازه خمیرې نه استفاده کیږي. دا ډوډۍ چې یو وخت یواځې په سیمه کې مشهوره وه او ځانګړی شهرت يي‌ درلود د ډیر کم وخت په تیریدو سره په  ټول هیواد کې مشهوره شوه .

د وقفې کبیر د  ډوډۍ خورا حیرانونکي ځانګړتیاوې د هغې خوشبوونکی خوند،کلک پوستکې  او لوی جوړښت دی .

همداشان ددې ډوډۍ خوند او ښکلی لذت  په تازه خیره کې دی.  همداشان ددې ډوډۍ په پخولو کې د تازه خیرې سربیره لږ تر لږه  ۱۵ ورځو پورې د وړو دمه کول ، مالګې او د نرمو اوبو نه استفاده کول دي. پدې ډوډۍ د هیڅډول کیمیايي موادو نه کار ندې اخیستل شوی .

دا ډوډۍ د تیګې په تنور کې د لرګیو په اور سره پخیږي چې خوند يي هم د همدې نه اخیستې دی.

ویل کیږي‌ دا ډوډې د ۵ نه تر ۱۵ ورځو لپاره پرته ددې چې خرابې شي‌ عمر لري.