په کابل کې چاودنه شوې

د افغانستان په پلازمینه کابل کې د برښنايي پیژندپاڼو د ویش د مرکز په دروازه کې چاودنه شوې ده.

ویل کیږي چاودنه د کابل په لویدیځ کې د برچي  دښتې په سیمه کې شوې ده.

د کابل امنیتي  مسئولینو د برید او ځاني تلفاتو په اړه څه ندي ویلي.

همداشان عیني شاهدانو په ټولنیزو رسنیو کې ویدیوګانې خپرې کړي  دي  چې د سیمې نه لوګي  پورته کیږي.

ویل کیږي چاودنه په ځايي وخت د سهار د لسو بجو او ۳۰ دقیقو په شاوخوا کې رامنځته شوې ده.

د ویلو ده چې کابل لویدیځ چیرته چې ډیری شیعه ګان  میشت دي  وخت نا وخته د داعش ترهګرې ډلې د بریدونو سره مخامخیږي.