د افغانستان د کاپیسا په ولایت کې چاودنه شوې ده.

د افغانستان د کاپیسا ولایت د تګاب په ولسوالۍ کې د ملکي  وګړو پر موټر د چاودنې په نتیجه کې ۳ تنو ملکي وګړو ژوند د لاسه ورکړ.

د کاپیسا د پولیسو ویاند خبري رسنیو ته ویلي دي چې نن چارشنبه د تلې ۱۶ مه د سهار د شپږو بجو په شاوخوا کې د تګاب ولسوالۍ خساچینه په سیمه کې د ملکي  وګړو پر موټر چاودنه شوې چې په نتیجه کې ۳ تنو ملکي وګړو ژوند د لاسه ورکړی دی.

پدې پيښه کې یوې میرمنې هم ژوند د لاسه ورکړی دی.