په کونړ کې چاودنه شوې

د افغانستان په ختیځ کې په کونړ ولایت کې چاودنه شوې.

د کونړ ولایت نه د ترلاسه شوو معلوماتو له مخې ددې ولایت د شیګل په ولسوالۍ کې پر ملکي‌ وګړو چاودنه شوې ده.

د کونړ سیمه ایزو چارواکیو ویلي دي چې نن  سې شنبه د اګست څلورمه د غرمې نه مخکې د لس نیمو بجو په شاوخوا کې د شیګل ولسوالۍ د موڼې په سیمه کې د ماین په چاودنه کې لږ تر لږه دوه تنه ملکي‌ وګړي مړه او درې تنه نور ټپیان شوي‌ دي.

د چاودنې مسئولیت تر اوسه پورې چا په غاړه ندی اخیستی.