په هلمند کې د ملکي وګړو پر موټر چاودنه شوې

د افغانستان په سویل کې په هلمند ولایت کې په چاودنه کې لږ تر لږه ۶ تنو ژوند د لاسه ورکړی دی.

د هلمند ولایت د پولیسو ویاند محمد زمان همدرد خبري رسنیو ته ویلي دي چې  پرون یکشنبه د غرمې نه وروسته د هلمند ولایت د واشیر په ولسوالۍ کې د ملکي‌ وګړو د سپرلۍ پر موټر د سړک په غاړه کې ځای په خای شوی ماین وچاوید.

هغه وویل چې پدې پيښه کې د ښځو او ماشومانو په ګډون ۶ تنو ملکي وګړو ژوند د لاسه ورکړی او دوه تنه نور ټپيان شوي‌ دي.

د پيښې مړي‌ او ټپیان نږدې روغتون ته انتقال شوي‌ دي.

د برید مسئولیت کومې ډلې په غاړه ندی اخیستی .