په بغلان کې خونړۍ چاودنه شوې

 د افغانستان په شمال کې  د بغلان په ولایت کې  د سړک د غاړې د ماین د چاودنې په پایله کې لږ تر لږه  ۸ تنو ژوند د لاسه ورکړی  او ۶ تنه نور ټپيان شوي دي.

د بغلان ولایت د امنیې قومندانۍ ویاند  احمد جاوید بشارت ویلي دي چې دا چاودنه  د ډنډ شهاب په سیمه کې  رامنځته شوې ده .

د هغه په وینا  چاودنه  د ملکي وګړو پر موټر شوې ده چې په پایله کې  د ماشومانو په ګډون  ۸ تنو ژوند د لاسه ورکړی  او ۶ تنه نور ملکي وګړي  ټپیان شوي دي.

شهاب  ددې برید پړه پر طالبانو واچوله او ویلي دي چې  دا کار د طالبانو دی.

طالبانو بیا  د مسئلې په اړه څه ندي ویلي.