د افغانستان په  پلازمینه کابل  کې  پر پولیسو چاودنه وشوه.

د افغانستان د کورنیو چارو وزارت ویلي دي چې  وسله والو  کسانو  د پلازمینې کابل اړوند د قره باغ په ولسوالۍ کې په لویه لاره  کې  د کورنیو چارو د وزارت د جنايي تحقیقاتو د ریاست یو تن چارواکی عبدالخیبر  موټر د درولو نه وروسته په هغه ډزې کړي او هغه يي  وژلی دی.

همداشان  کله  چې  د قره باغ ولسوالۍ د امنیې قومندانۍ د جنایي تحقیقاتو د څانګې مشر د پيښې د څیړولو په موخه سیمه لاړ  په لاره کې د هغه پر موټر هم  چاودنه شوې.

پدې پیښه کې  شپږ تنه  پولیس ټپيان شوي دي.

د قره باغ د ولسوالۍ ولسوال  عظیم  دل آغا هم  د پيښې پخلی کړی او ویلي دي چې  د یاده شوې ولسوالۍ د جنايي تحقیقاتو د څانګې د مشر په موټر هم  چاودنه شوې چې په نتیجه کې  ۶ تنه پولیس ټپيان شوي دي.

د برید مسئولیت تر اوسه پورې کومې ډلې په غاړه ندی اخیستی.