د تورکیې د ورځپاڼو سرټکي
د تورکیې د ورځپاڼو سرټکي
خبر تورک ورځپاڼې "لومړی تولید شوی توګ اردوغان ته وسپارل شو" د سرلیک لاندې لیکلي دي ،د تورکیې کورنۍ او ملي موټر ټوګ د ولسمشرۍ په ماڼۍ کې د یو لړ مراسمو په ترڅ کې ولسمشر رجب طیب اردوغان او د هغه میرمن آمنې اردوغان ته لومړني دوه موټرونه وسپارل شول. اردوغان وویل چې موږ د ملت د شپیته کلن خوب د پوره کیدو شاهدانو یو.
حریت ورځپاڼې " په نړۍ کې د ټوګ د موټرو څپه " د سرلیک لاندې لیکلي دي ،
د تورکیې کورنی او ملي موټر ټوګ ۸۰ سلنه د اپلیکیشن له لارې پلورل شوي دي. د ویلو ده چې د ټوګ موټر لپاره ۱۷۷۰۰۰ سپارښتنې ترلاسه کړي دي. په دې توګه ټوګ په نړۍ کې لومړنی موټر دی چې د پدې کچه د اپلیکیشن له لارې پلورل کیږي. د ویلو ده چې د ټوګ موټر لپاره پچه واچول شوه او ۲۰۰۰۰ تنو د پچې له لارې دا حق ترلاسه کړ.
وطن ورځپاڼې "سلجوک بیرقدار ته یوه معنی نه ډکه ډالۍ" د سرلیک لاندې لیکلي دي
د تورکیې د په وسلو سمبال بې پیلوټه الوتکو جوړونکي بایکار د بورډ مشر او د ټکنالوژۍ مشر سیلجوق بیرقدار په باکو کې د اذربایجان له ولسمشر الهام علی یف او دفاع وزیر جنرال ذاکر حسنوف سره وکتل. سیلجوق بیرقدار ته د نظامي همکارۍ په ډګر کې د هغه د ونډې له امله د حسنوف لخوا د نظامي همکارۍ مډال ورکړل شو.
سټار ورځپاڼې "پولیتیکو: ناټو تورکیې ته اړتیا لري" د سرلیک لاندې لیکلي دي،
امریکا پولیټیکو ورځپاڼې په خپله یوه تحلیلي مقاله کې لیکلي دي چې ناټو تورکیې ته اړتیا لري. ورځپاڼې د تورکیې پوځي قدرت ته په اشارې سره لیکلي چې دغه ځواک په فعاله توګه د اتحاد په ماموریتونو او عملیاتو کې ونډه لري. ورځپاڼې د تورکیې جیو پولیټیکل دریځ ته په اشارې سره ویلي، تورکیه د تور سمندرګي کنټرول په لاس کې لري.
ینی شفق ورځپاڼې "کاناډایی ډاکټر: تورکیه باید د روغتیا پاملرنې په برخه کې نمونه د مثال په توګه ونیول شي" د سرلیک لاندې لیکلي دي ، د اونټاریو د طبي اتحادیې پخواني رئیس ډاکټر سهیل ګاندي وویل چې د کاناډا د روغتیا پاملرنې سیسټم چې له ډیرو کلونو راهیسې په نړۍ کې په ګوته شوی ، د ژور بحران سره مخ دی. هغه د دې په بیانولو سره ویلي دي چې تورکیې ۲۰ کاله دمخه د پریکړې سره سم یو نوی روغتیایی سیسټم رامینځته کړی . ګاندي وویل ، "کاناډا باید د روغتیا سیسټم کې د بحران د لرې کولو په برخه کې تورکیه نمونه د مثال په توګه واخلي."
