د تورکیې د ورځپاڼو سرټکي

د تورکیې د ورځپاڼو سرټکي

خبر ترک ورځپاڼې  "د عبدالحمید خان د اکتشافي او برمه کارۍ کښتۍ د دندې ځای ټاکل شوی دی" د سرلیک لاندې لیکلي دي ، د عبدالحمید خان  اکتشافي او برمه کارۍ کښتۍ د مرسین تاش اوجو بندر څخه د خپل لومړني ماموریت او دندې پر لور واستول شوه. ولسمشر رجب طیب اردوغان وویل چې دا کښتۍ  به د انتالیا د غازی پاشا ولسوالۍ څخه ۵۵ کیلومتره لرې د یوروکلر-۱ څاه  په سیمه کې دنده پيل کړي. اردوغان وویل، «یورکلر-۱ څاه په ختیځ مدیترانې کې زموږ د پراخه کاري پلان لومړی ګام دی.

صباح ورځپاڼې "تورکیې د عبدالحمید خان لپاره سمندري خبرداری خپور کړی" د سرلیک لاندې لیکلي دي ،  تورکیې  د عبدالحمید خان کښتۍ  د اکتشافي او برمه کارۍ د کار د پيلولو په خاطر په سیمه کې سمندري خبرداری خپور کړ. د اعلامیې له مخې په ختیځ مدیترانې کې د عبدالحمید خان کښتۍ ماموریت به د اکتوبر تر ۷ مې نیټې دوام وکړي. د عبدالحمید خان کښتۍ به د یوروکلر – ۱  په ساحه کې  د ۳ کښتیو کار ترسره کړي.

حریت ورځپاڼې  "په نړۍ کې د تورکیې  د برمه کارۍ د کښتۍ نه یواځې پنځه دانې  شتون لري" د سرلیک لاندې لیکلي دي ، عبدالحمید خان په نامه  تورکیې نوې اکتشافي او برمه کارۍ کښتۍ په نړۍ کې یوازې ۵ دانې دي  او د تورکیې څلورمه کښتۍ ده، پرون د ولسمشر اردوغان په ګډون له مراسمو وروسته په یوه سفر روانه شوه. عبدالحمید خان کښتۍ چې په نړۍ کې ګوتو په شمیر د کښتیو  له ډلې څخه ده، ۲۳۸ متره اوږدوالی، ۴۲ متره پلنوالی او ۱۱۲ متره لوړوالی لري. دغه کښتۍ چې د ۲۰۰ پرسونل په درلودلو سره تر ۱۲۲۰۰ مترو پورې په سمندر کې  د کیندلو وړتیا لري.

یاني شفق ورځپاڼې  "اسلامي نړۍ په قونیه ښار کې سره راټوله شوې" د سرلیک لاندې لیکلي دي ، د اسلامي پیوستون د پنځمو لوبو سیالۍ  د ولسمشر رجب طیب اردوغان په ګډون د ځانګړو مراسمو په ترڅ کې پرانیستل شوې. دا سیالۍ د تورکیې د قونیې په ولایت کې د ولسمشر اردوغان او نړۍ د ځینو اسلامي هیوادونو د مشرانو په ګډون د ځانګړو مراسمو په ترڅ کې پرانیستل شوې .

دا سیالۍ  «یووالي قدرت دی» شعار سره پیل شوی او له ۵۶ هېوادونو څخه ۴۲۰۰ ورزشکارانو پکې ګډون کړی دی. دا سیالۍ به  د اګست تر ۱۸مې به دوام وکړي.

وطن ورځپاڼې  "تورکي ساینس پوهانو پرمختګ کړی، دا د نړۍ لپاره هیله ده" د سرلیک لاندې لیکلي دي ، د تورکي سیاینس پوهانو لخوا چمتو شوی د غنمو هغه اصلاح شوی تخم چې سړې هوا ، وچکالۍ او ناروغیو پر وړاندې قوي مقامت او لوړ کیفیت لري لومړنی حاصل ترینه په سیواس کې ترلاسه شو.

وړاندوینه کیږي چې د غنمو نوي ډولونه به د خواړو کمښت ته د حل لاره وي چې تورکیه او ټوله نړۍ یې تجربه کولی شي.