د ترکیې د ورځپانو سرټکي

د وطن ورځپاڼې « اردوغان : داسې کوم شی  د منلو وړ ندی »  د سرلیک لاندې لیکلي دي، د ترکیې ولسمشر رجب طیب اردوغان پرون د امریکا متحده ایالتونو د نیویارک په ښار کې د ترکیې او پاکستان په کوربه توب جوړه شوې  ( د نفرت نه ډکو څرګندونو پر خلاف مبارزه  ) تر نامه لاندې  په غونډه کې ددې خبرې په ټینګار وویل چې ، د سولې دین  اسلام  ته د ترهګرۍ سره تړاو ورکول  په هیڅډول  د منلو خبره نده. دا په اصل کې ستر بهتان  او تهمت  دی. بې اخلاقي  ده. ولسمشر اردوغان وویل چې ترکیه د اسلام دښمنۍ، افراطیت ، تبعیض ، نفرت نه ډکو څرګندونو او اسلام دښمنۍ پر خلاف مبارزې ته به په همدې شان دوام وکړي.

د سټار ورځپاڼې « د ترکیې اف ۱۶ جنګي الوتکو د دریم ځل لپاره د سوریې د فرات سیند په ختیځو برخو الوتنه وکړه »  د سرلیک لاندې لیکلي دي، د ترکیې اف ۱۶ جنګي الوتکو پرون د لسو او ۱۲ بجو ترمنځه د سوریې هوايي حریم ته داخلې شوې  او د فرات سیند په ختیځو برخو الوتنه وکړه. ملي دفاع وزارت ویلي دي چې د ختیځ غوڅ ملاتړ د عملیاتو په چوکاټ کې  د ترکیې جنګي الوتکو  د سوریې په خاوره کې الوتنې وکړه.

د صباح ورځپاڼې « د اتماجي  توغندي  خپل هدف په ډیره دقیقه توګه له منځه یو »  د سرلیک لاندې لیکلي دي، د ترکیې  لومړنی  سمندري توغندی اتماجي  په ډیر بریالیتوب  سره  وازمایل شو. د ولسمشرۍ ماڼۍ د دفاعي صنایعو ریاست  ویلي دي چې  د ترکیې د سمندري ځواکونو د قومندانۍ  د ملي جنګي کښتۍ میل ګام  کې لپاره جوړ شوي  د کښتۍ نه  د کښتۍ د ویشو  توغندی  اتماجي  وروستي ازمایښتونه هم  په ډیر بریالیتوب سره  سرته ورسید. اتماجي  توغندي  خپل هدف په ډیر دقیقه توګه له منځه یوړ.

د ینې شفق ورځپاڼې « ترکیې تر ټولو زیات فندق  جرمني ته صادر کړي »  د سرلیک لاندې لیکلي دي په نړۍ کې د فندقو  تر ټولو  ستر  صادرونکي هیواد ترکیې د ۲۰۱۸ میلادي کال  د سپټمبر د لومړۍ او ۲۰۱۹ میلادي کال  د اګست د ۳۱ مو نیټو ترمنځه  ترکیې په نړۍ کې تر ټولو زیات  فندق  تولید  او نړۍ ته صادر کړي دي. ترکیې سږ کال هم  د تیرو کلونو په څیر تر ټولو  ډیر فندق  جرمني ته صادر کړي دي.

همداشان په دویم کتار کې ایټالیا او په دریم کتار کې بیا فرانسه شتون لري.

د حریت ورځپاڼې « د ساکاریا نه  په ۸ میاشتو کې  ۱۳۸ هیوادونو ته صادرات »  د سرلیک لاندې لیکلي دي، د ترکیې  د ساکاریا ولایت چې  موټرو د صادراتو په برخه کې په لومړیو کتارونو کې ځای لري  د روان کال په لومړنیو ۸ میاشتو کې  د نړۍ ۱۳۸ هیوادونو او لسو ازاده تجاري سیمو ته  د ۳ میلیارده ۳۳۹ میلیونه او ۶۰۷ زره امریکايي صادرو په ارزښت  صادرات کړي دي.