د ترکیې د ورځپاڼو سرټکي

د سټار ورځپاڼې « ترکېې د کرکوک برید په کلکو ټکو وغنده »  د سرلیک لاندې لیکلي دي، ترکیې د عراق د کرکوک په ولایت کې برید چې په پایله کې ۶ تنو ترکمنانو ژوند د لاسه ورکړ  په کلکو ټکو وغنده. د بهرنیو چارو وزارت پدې اړه په خپور کړي بیان کې ویلي دي چې ترکیه پوره باور لري چې د عراق حکومت به په کرکوک ولایت برید چې د اتحاد او ملي یووالي  سمبول  دی  فاعلینو ته تر ټولو سخته سزا ورکړي او د خپلو اعمالو په سزا به يي ورسوي.

د ینې شفق ورځپاڼې « په ایران کې په ښوونځیو کې د ترکي ژبې درسونه  پیلیږي »  د سرلیک لاندې لیکلي دي، د ایران په ختیځ اذربایجان ولایت کې په نوي ښوونیز په ښوونځیو کې  د ترکي ژبې په درسونو هم  پيلیږي. د ختیځ اذربایجان ولایت د پوهنې رئیس  جعفر پاشايي خبري رسنیو ته ویلي دي چې  د سپټمبر د ۲۳ مې نیټې نه په اعتبار سره به په بعضو ښوونځیو کې  د ترکي ژبې درسونه پيل شي. هغه وویل چې پدې ښوونځیو کې به زده کوونکو ته په اونۍ کې دوه ساعته ترکي ژبې درس ورکړل شي.

د وطن  ورځپاڼې « د ترکیې د سونګر په نامه  ډرون الوتکه په بم غورځوونکي وسلې سمبال شوه »  د سرلیک لاندې لیکلي دي، د ترکیې لومړنۍ په وسلو سمبال  د سونګر په نامه  ډرون الوتکه  د ماشین دار نه وروسته دا ځل په بم غورځوونکې  وسلې سمبال شوه. دا ډرون الوتکې به په نږدې راتلوونکي کې د ترکیې د وسله والو ځواکونو په اختیار کې ورکړل شي.

د حریت ورځپاڼې « په میلیونونو کسان د طبعیت او ملي پارکونو نه لیدنه کړې »  د سرلیک لاندې لیکلي دي، د ترکیې د کرنې او ځنګلونو وزیر بکر پاک دیمیرلي  وویل چې د لوی اختر د ورځې په ګډون  د اګست د لسمې او ۱۸ مو نیټو ترمنځه  د هیواد د طبعیت او ملي پارکونو نه  ۴ میلیونه ۴۱۲ زره او ۴۱۸ تنو لیدنه کړې ده .

د صباح ورځپاڼې « د ژمنتیا اصل په نامه فلم د اوسکار جایزې ته نوماند شو »  د سرلیک لاندې لیکلي دي ، د هیواد د نامتو فیلم جوړونکي  سمیح کاپلان اوغلو لخوا جوړ شوی د ژمنتیا اصل  په نامه  فلم  د ترکیې لخوا د اوکسار د جایزې لپاره  نوماند  کړی شو.

د ژمنتیا اصل فلم  به  د فلمونو په نړۍوال فیستیوال اوسکار کې  چې په  امریکا کې جوړیږي  د ترکیې په استازیتوب  ګډون وکړي . دا فیستیوال به د ۲۰۲۰ کال د فبروري په میاشت کې جوړ شي.