د ترکیې د ورځپاڼو سرټکي

د خبرترک ورځپاڼې « د اردوغان لخوا د لویدیځ هیوادونو پر خلاف د بشري حقونو په برخه کې  سخت غبرګون » د سرلیک لاندې لیکلي دي، د ترکیې ولسمشر رجب طیب اردوغان وویل  پداسې حال کې چې ترکیې په میلیونونو تنو کډوالو ته  پناه ورکړې  لویدیځ هیوادونه  د یو څو تنو کډوالو  د ورتګ د مخنیوي په خاطر  د هرې ورځې په تیریدو سره لا سخت تدابیر ونیسي. ښه دلته زه  ددوې نه پوښتنه کوم  چې ایا  څوک  د بشري حقونو  دفاع کوونکی  دی؟  مونږ  که  تاسې. لویدیځه نړۍ د وحشت  د ښودولو  او ترسره کولو نه  بل کار نکوي. ولسمشر اردوغان وویل چې  ترکیې  تل د بشري حقونو د نه دفاع  او مرستو په برخو کې  په لومړي کتار کې ځای نیولی دی.

ولسمشر اردوغان وویل چې زمونږ  عقیده او تاریخ  تل مونږ ته  د مظلومو ترڅنګ  د دریدو  او خپل امکانات  د هغوې سره  د ویشلو امر کوي. د ترکیې په توګه مونږ  بشري حقونو ته  پدې سترګه ګورو.

د حریت ورځپاڼې «  ځايي او ملي تخمونه  د ودې په حال کې دي »  د سرلیک لاندې لیکلي دي، د ترکیې د کرنۍ او ځنګلونو وزیر بکر پاک دیمیر وویل ، که یو هیواد  هر څومره  بډایه وي  او خپل کر کلی  ونلري  هغه  بې پخلنځي  د کور په څیر  دی. هغه  دا څرګندونې  د اذربایجان په پلازمینه  باکو کې  د خپلو لیدونو کتنو په ترڅ کې وکړې.

هغه وویل  په هره کچه  چې  یو هیواد د تکنالوژۍ له پلوه  بډایه وي، او په کرنیزو برخو کې  خودکفا  نوي  او لږ تر لږه  د خپل اړتیا توکي پخپله  تولید نکړي  هغه  بیا کم خو کفا هیواد  ندی. هغه وویل چې ترکیې  د ځايي او ملي تخمونو د ودې په برخه کې ډیر مهم  پرمختګ کړی  او پدې برخه کې ودې ته دوام  ورکوي.

د ینې شفق ورځپاڼې  « ترکیې د روان کال په دریمه ربع کې هم  اقتصادي وده  درلوده»  د سرلیک لاندې لیکلي دي، ترکیې د روان میلادي کال په دریمه  ربع کې  یو عشاریه ۶ سلنه  وده کړې . د ویلو ده چې  ترکیې د روان میلادي کال په لومړنۍ ربع کې  ۷ عشاریه درې سلنه  او  په دویمه ربع کې  ۵ عشاریه ۲ سلنه  اقتصادي وده کړې وه. په دریمه ربع کې تر ټولو  زیات  بیا کرنیز او صنایع سکتورونو  وده کړې ده . اقتصادپوهانو  په دریمه  ربع کې  د اقتصادي ودې  د کچې راټیټیدل  په نړۍوالو بازارونو کې  د روانو څپې  په ګوته کړي دي.

د صباح ورځپاڼې « د ترکیې د ملکي هوايي چلند شرکت د نوامبر په میاشت کې ټول سفرونه ۸۱ عشاریه ۴ سلنه  ډک وو »  د سرلیک لاندې لیکلي دي، د نوامبر په میاشت کې د ترکیې د هوايي کرښو د شرکت  د مساپرو  او کارګو  ارقام  خپاره شول. د نوموړو ارقامو له مخې  د نوامبر په میاشت کې د ترکیې د ملکي هوايي کرښو د شرکت  ټول سفرونه  د ۸۱ عشاریه ۴ سلنه  پورې  فول ترسره شوي دي. ویل کیږي  د کال  تر پایه به دا رقم  لا پسې  لوړ شي.