د ترکیې د ورځپاڼو سرتکي

د سټار ورځپاڼې  « د ترکیې د ملکي هوايي چلند د سکتور عواید ۱۱۰ میلیاردو ترکي لیرو نه واوښتل  »  د سرلیک لاندې لیکلي دي، پداسې حال کې چې په ترکیه کې په ۲۰۰۳ کال کې  د ملکي هوايي چلند د سکتور عواید یواځې ۳ میلیارده ترکي لیرې وه   نن  ورځ  د عوایدو کچه  ۱۱۰ میلیاردو ته  لوړه شوې ده . ترکیې هوايي کرښو شرکت  په نړۍ کې په لسم  او په اروپا کې په څلورم  کتار کې ځای .په ترکیه کې  د ۲۰۰۳ کال په پرتله  د الوتکو شمیره  ۲۲۰ سلنه ، د مساپرو لپاره څوکیو ظرفیت  ۲۵۴ سلنه ، د کارګرو  ظرفیت ۴۴۹ سلنه  لوړ شوی دی. همداشان د هیواد په دننه او بهر کې  د الوتنو د نقطو شمیره  ۳۵۱ ته لوړه شوې ده .

د ینې شفق ورځپاڼې  « ترکیې تکنالوژي په امریکا او اروپا کې نندارې ته وړاندې کیږي»  د سرلیک لاندې لیکلي دي، د ترکي انجینیرانو لخوا طرحه او جوړ شوي  د ګزمې زیرک بایسکل  ایکین بایک پاټرول  نوی  ماډل  د امریکا متحده ایالتونو د لوړ کیفیت او تکنالوژۍ په نندارتون کې نندارې ته وړاندې شو. د ویلو ده چې  دا بایسکل د حرکت په حال کې د موټرو د لمبر پلټونو  د جعلي لمبرپلیټونو د پیژندولو او  د پارک  او سرعت  د اخلال  د تثبیت وړتیا لري.

دا تکنالوژي  په هغه ځایونو کې چې  ثابت سیستمونه د موټرو د پارک او سرعت د اخلال  تثبیت کولی نشي دا يي په ډیره  ښه توګه  کوي.

د حریت ورځپاڼې « د غازي پاشا د سیمې نه نړۍ ته  صادرات  »  د سرلیک لاندې لیکلي دي، د انتالیا د غازي پاشا د سیمې  اووکادو ځانګړې  میوه  سږکال  د لومړي ځل لپاره روسیې، ګرجستان او اوکراین ته  په صادراتو پيل وشو.

د ویلو ده چې  پدې ولسوالۍ کې د کال ۸۵۰ ټنه اووکادو تولیدیږي.

د خبرترک ورځپاڼې « په لبنان کې د ترکي فلمونو اوونۍ  »  د سرلیک لاندې لیکلي دي، د لبنان د طرابلس شام  په ښار کې جوړ شوی د ترکي فلمونو  اوونۍ  تر نامه لاندې  فیستیوال  پيل شو. پدې فیستیوال کې  په لبنان کې د ترکیې لوی سفیر حاکان  چاکل  راغلو میلمنو ته د ترکي فلمونو او سینما  په اړه  لنډ معلومات وړاندې کړل.

هغه  ګډون کوونکو ته وویل چې دلته  ډیر ترکي فلمونه نندارې ته وړاندې کیږي خو  د عالیا په نامه  فلم چې  د حقیقي  کیسې له مخې جوړ شوی  دی  خامخا باید ننداره کړي.

د صباح ورځپاڼې  « په الجزایر کې ترکي ډرامې »  د سرلیک لاندې لیکلي دي، پدې وروستیو کلونو کې ترکي ډرامو چې د ټولې نړۍ په څیر په عربي هیوادونو کې هم  د پام وړ  مینه وال پیدا کړي دي په الجزایر کې  د خلکو په زړونو کې تخت جوړ کړی دی.

په الجزایر کې به چې خلکو  ددینه وړاندې  د مکسیکو، مصر او برازیل ډرامې ننداره کولې  نن  ورځ  د ټولو  ځای  ترکي ډرامو  نیولی دی. د الجزایر په  ډیری  تلویزیوني کانالونو کې  ترکي ډرامې  خپریږي. د قیام  او نورو  تاریخي  او مدرن ترکي ډرامو  مینه وال په الجزایر کې د هرې ورځې په تیریدو  مخ په ډیریدو دي.