د ترکیې د ورځپاڼو سرټکي

د سټار ورځپاڼې « د پیسو په نړۍوال صندوق کې ترکیې ته ډیره مهمه دنده  » د سرلیک لاندې لیکلي دي، ترکیه د یو پلو نه  د ټاکلو اقتصادي اهدافو پر لورې پر مخ روانه  ده  او د بله پلوه په نړۍوالو سازمانونو کې ډیر مهم  مسئولیتونه په غاړه اخلي.

ترکیه  د پيسو په نړۍوال صندوق کې  د اجراییوي کمیتۍ د مشرۍ د مسئولیت د په غاړه اخیستو ته  تیاری نیسي. ترکیه به  دا دنده  په ۲۰۲۰ کال کې  واخلي.

د حریت ورځپاڼې « د استانبول په نوي هوايي ډګر کې د دریو الوتکو سره  ازمایښت  »  د سرلیک لاندې لیکلی دي، د استانبول  دریم  او نوی هوايي ډګر لومړنۍ برخه د اکتوبر د میاشتې په ۲۹ مه  نیټه رسمآ پرانیستل کیږي . د ویلو ده چې  د یو پلو نه  د هوايي ډګر د پرانیستو په خاطر چمتوالی  دوام لري  او د بله پلوه   په هوايي ډګر کې  امتحاني الوتنې ترسره کیږي. ویل کیږي  پدې چوکاټ کې  د ترکیې د هوايي کرښو  درې الوتکې په همهاله توګه په دریم هوايي ډګر کې  ناسته کوي  او درې واړه  جلاجلا د وتو دهلیزونو ته  نږدې کیږي.

د ینې شفق ورځپاڼې  «  په ترکیه کې  د وسلو د فابریکې ځانګړې صنعتي پارکونه » د سرلیک لاندې لیکلي دي، د ترکیې د قرق قلعه په ولایت کې په ۲۵۰ جریمه  مځکه کې  جوړیدونکي  د وسلو اختصاصي صنعتي پارکونو په سیمه کې  د وسلو فابریکې  جوړوي. د ویلو ده چې د فابریکو  ساختماني چارې به تر نوي کاله پایته ورسیږي او د تر ۲۰۱۹ کال د قبروري په ۱۵ مه نیټه به په فعالیت پیل وکړي. همداشان  پدې سیمه کې د سینرژي انرژي په نامه  د یوې فابریکې  خاوند  ادنان دومان  خبري رسنیو ته ویلي دي چې « پدې فابریکه کې به مهمات  او د وسلو پرژې  تولید شي. همداشان  پدې فابریکه کې به  د وسلو او مهماتو هر ډول سیستمونه هم  تولید شي. هغه ویلي دي چې  تر اوسه پورې مو د ترکیې د لومړني ملي ټوپک  ام پ ټي ۷۶ او ام پ ټي ۵۵ په ګډون  د یو زیات شمیر پروژو لپاره  توکي تولید کړي دي.

د صباح ورځپاڼې  « ترکي ډرامې  د کنس د ډرامو په نندارتون کې  نندارې ته وړاندې شوې  »  د سرلیک لاندې لیکلي دي، ترکي ډرامې او فلمونه  تیره ورځ د فرانسې د کنس په ښار کې پیل شوی  د ډرامو،فلمونو، سینمايي موادو  او تلویزیونو  د سکتور  نندارتون  پرانیستل شو. پدې نندارتون کې د ۱۱۰ هیوادونو ګډون کړی دی. د استانبول د تجاري خونو د څرګندونو له مخې  ترکیې پدې نندارتون کې  د یو لوی تجاري هیت سره ګډون کړی دی. همداشان پدې هیت کې  د ترکیې د سینما او ډرامو د سکتور  د ۳۰ شرکتونو  ۴۵ تنو استازو  ګډون کړی دی.

همداشان  ترکیې  پدې نندارتون کې  د ځانګړی ستند  جوړ کړی دی . نندارتون به د اکتوبر تر ۱۸ مې نیټې دوام وکړي.

د خبرترک ورځپاڼې « جان اونجو په اسپانیا کې دویم مقام خپل کړ »  د سرلیک لاندې لیکلي دي لاندې لیکلي دي د رید بال روکیس کپ د موټر سایکل ځغلونې  د اتلولیو په چوکاټ کې  د ترکیې ۱۵ کلن تنکي ځوان  موټر سایکل ځغلوونکي  په اومه مسابقه کې دویم  مقام  خپل کړ. د ویلو ده چې  د ځوانانو د موټرسایکل ځغلونې  د اتلولیو وروستۍ مسابقه د نوامبر په ۲۵ مه نيټه  په اسپانیا کې ترسره کیږي.