د ترکیې د ورځپانو سرټکي

د حرییت ورځپاڼې  « ناڅاپي غونډه  » د سرلیک لاندې لیکلي دي، د ترکیې ولسمشر رجب طیب اردوغان د نوامبر په ۲۲ مه نيټه  د ترکیې، روسیې او ایران په ګډون  د روسیې په سوچي ښار کې  په جوړیدونکي  سرمشریزه کې د ګډون په ښار یو ځل بیا روسیې ته سفر کوي. د ویلو ده چې ولسمشر ارودوغان  د روانې اوونۍ په پیل کې د روسیې د ولسمشر سره د لیدنې په خاطر  روسیې ته سفر کړی وو. دا به د لسو ورځو په دننه کې روسیې ته ولسمشر اردوغان دویم  سفر وي. پدې غونډه کې به  درې واړه هیوادونه په سوریه کې په روانو پرمختګونو او د سیمې په حالاتو خبرې وکړي. تمه کیږي چې پدې غونډه کې د ایران ولسمشر حسن روحاني هم ګډون وکړي.

د ینې شفق ورځپاڼې  « اوس بله سناریو جوړوي  »  د سرلیک لاندې لیکلي دي، د ترکیې لومړي وزیر بنعلي ییلدرم  وویل چې  د نړۍ ځینې  طاقتونه  غواړي چې ترکیه د خپلو لوبو اله وګرځوي  خو  دا د هغوې  بې ځایه  هلې ځلې دي. هیڅوک  ترکیه د خپلو لوبو اله کولی نشي.

لومړي وزیر دا څرګندونې  په پلازمینه انقره کې د انقرې د سوداګریزې خونې  په سالون کې جوړ شوي  د لویو لارو د ټرافیک د امنیت په اتم سمپوزیم کې  وکړې. هغه وویل چې ځینې کړۍ  غواړي چې  ترکیه د خپلو چټلو لوبو اله وګرځوي خو دوې پدې نه پوهیږي چې هیڅوک ترکیې ته فریب او دوکه ورکولی نشي. هغه وویل چې  دې کړیو د ۲۰۱۶ کال  د جولای په ۱۵ مه  د فتح الله ګولن ترهګریز سازمان په واسطه وغوښتل چې  په ترکیه کې  خپل اهداف پلي کړي خو د الله په مرسته چې خپلو شومو موخو ته  ونه رسیدل. هغه  کړۍ چې خپلو شومو موخو ته ونه رسیدل  اوس غواړي چې نوې سناریو  جوړه کړي.

د خبرترک ورځپاڼې « وای پي جي ترهګره ډله  د سیمې د نیولو په خاطر رقه ته تللې ده » د سرلیک لاندې لیکلي دي، د ترکیې په کوربه توب جوړ شوي د ختیځې مدیترانې  د ۲۰۱۷ کال  تطبیقات  سرته ورسیدل. دا تطبیقات  د ناټو سازمان د سمندري ځواکونو د دایمې ډلې  امریکا ، بلغاریا، انګلستان ، رومانیا او ترکیې  د سمندري ، هوايي او سواحلو د امینت د قومندانۍ په ګډون  ترسره شول. په تطبیقاتو کې ګډون کوونکو  بیړنیو په مارماریس کې  د اکساز سمندري هډې د بندر نه لیدنه وکړه . د ویلو ده چې دا تطبیقات  چې هر کال  جوړیږي  سږ  کال  د شلم  ځل لپاره  ترسره شول.

د وطن ورځپاڼې «  د نړۍ نادر پټنګ  په انتالیا کې  ولیدل شو » د سرلیک لاندې لیکلي دي، د ترکیې د انتالیا  ولایت  د سیریک ولسوالۍ د ګرځندوی په مرکز  بیلیک کې د یو هوټل  په باغچه  د نړۍ یو ډیر نادر  پټنګ  ولیدل شو. د ویلو ده چې دا ډول پټنګ  په هوا کې په ډیره چټکه توګه  د مزل او د اوږدې مودې لپاره په هوا کې  د دریدو  توان لري.

همداشان  دا  ډول  پټنګ  په ځانګړې توګه د شپې لخوا حرکت کوي.