د ترکیې د ورځپاڼو سرټکي

د خبرترک ورځپاڼې  لیکلي دي تیره ورځ  د سهار په ۸ بجو او ۴۰ دقیقو  د سوریې د الباب په سیمه کې  روسي جنګي الوتکې چې په داعش د هوايي بریدونو په موخه الوتنه کړې وه  په خطايي کې په ترکي سرتیرو هوايي برید وکړ. د ترکیې  لوی درستیزوالۍ  ویلي دي چې  پدې پیښه کې  ۳ تنه  ترکي سرتیري په شهادت ورسیدل او ۱۱ تنه نور ټپیان شوي دي. د ټپیانو نه د یو تن روغتیايي حالت  باریکه  دی. د پيښې نه وروسته د روسیې ولسمشر ولادیمیر پوتین  ولسمشر رجب طیب اردوغان ته  د ټیلیفون په کرښه د تسلیت  او خواخوږۍ  مراتب وړاندې کړل. پوتین د نوموړې پیښې په اړه ژوره خفګان  څرګند کړ  د پيښې په اړه يي د تحقیقاتو د پيلولو نه خبر ورکړ.

د ینې شفق ورځپاڼې  «  د رقه د عملیاتو نه مخکې باید باامنه سیمه جوړه شي  »   د سرلیک لاندې لیکلي دي، ترکیې  امریکا متحده ایالتونو ته چې  په سوریه کې  د داعش ترهګرې ډلې په اصلي مرکز  رقه ښار باندې په عملیاتو پيلولو ټینګار کوي  د خپل پلان سره  ځوان  ورکړ.

انقرې  امریکا ته ویلي دي چې د باامنه سیمې جوړولو  او د پي واي ډي ترهګرې ډلې  د صحنې نه لرې  کولو نه پرته  د رقه عملیات  هیڅ ګټه نکوي. همداشان  په رقه ښار  باید  د سویلي لوري  نه  عملیات  پيلول  د اسد د رژیم د ځواکونو سره د نښتې احتمال پیدا کوي. په رقه باید  د تل ابیض  له لارې  عملیات پيل شي. ورځپاڼې لیکلي دي چې ترکیې دا پلان  په قصدي ډول  د اسد د ځواکونو سره د ترکي ځواکونو د مخامخولو د مخنیوي په خاطر  جوړ کړی دی .

د صباح ورځپاڼې  «  د  امریکا  د استخباراتو د مشر سره د رقې د عملیاتو په مسلې خبرې وشوې »  د امریکا  د مرکزي استخباراتو نوی  مشر  مایک پوم پیو لومړنی بهرنی  سفر  ترکیې ته وکړ. د ترکیې ولسمشر رجب طیب اردوغان  د امریکا  ولسمشر دونالد ټرامپ  سره  د ټیلیفوني خبرو نه  ۲۴ ساعته وروسته  د امریکا د استخباراتو مشر  ترکیې ته راغی. د ویلو ده چې  ټرامپ  ولسمشر اردوغان سره په ټیلیفوني خبرو کې  د سوریې د رقه په ښار کې د داعش ترهګرې ډلې پر خلاف  د عملیاتو  پلان  نه یادونه کړې وه.

ترکیې  د امریکا  د استخباراتو د مشر سره  پدې پلان خبرې وکړې  او د امریکا نه يي  د پي وای ډي او وای پي جي ترهګرو ډلو سره  د وسلو او مهماتو د مرستې پرې کولو غوښتنه وکړه.

ترکیې  د امریکا  د استخباراتو مشر ته  د فتح الله ګولن ترهګریز سازمان لخوا د  جولای د ۱۵ مې کودتا په اړه   یوځل بیا اسناد او شواهد  وړاندې کړل.

ترکیې د امریکا نه فتح الله ګولن هر څه ژر ترکیې ته د سپارولو غوښتنه وکړه.

وطن ورځپاڼې  «  نړۍوال بانک  د مالیې مرستې ژمنه وکړه  »  د سرلیک لاندې لیکلي دي ، نړۍوال بانک  د تاناپ  د ګازو د نللیکې د پروژې په خاطر  د ترکیې د ګازو د نللیکو او د نفتو شرکت ته  ۴۰۰ میلیونو ډالرو پوره ورکولو ژمنه وکړه. همداشان  نړۍوال بانک  په ترکیه کې  د ګازو  د ډیپوګانو په خاطر  د مالي مرستې  لپاره تیاری  وښود.

د نړۍوال بانک  د اروپا او منځنۍ اسیا  د برخو د ریس مرستیال  وویل چې  په ترکیه کې د ګازو د امنیت  د چارو نه  ملاتړ کوو. د ترکیې  د توزګولو په سیمه کې  په کال کې  د یو میلیارد متر مکعب  ګازو  د ذخیره کول په خاطر  ډیپوګان  جوړ شوي دي. نوموړي وویل هیله لرو چې  ترکیه  ددې ډیپوګانو  ظرفیت  لاپسې  لوړ کړي.