د ترکیې د ورځپاڼو سرټکي

د خبرترک ورځپاڼې  «  اوباما  اردوغان ته تسلیت وړاندې کړ  » د سرلیک لاندې لیکلي دي د امریکا ولسمشر باراک اوباما  د ولسمشر رجب طیب اردوغان سره  د ټیلیفون په کرښه خبرې وکړې. د امریکا ولسمشر اوباما  د نوي کال په شپه  د داعش لخوا په استانبول کې  د شپې په کلب د برید، همداشان  د پې کاکا ترهګرې ډلې لخوا په استانبول او قیصري ولایتونو کې د خونړي بریدونو له امله  تسلیت او ډاډګیرنه  ورکړه. هغه  ددې پیښو د ټپیانو لپاره  د عاجلې شفا  غوښتنه وکړه. هغه ددې خبرې په ټینګار وویل چې ترکیه به د ترهګرۍ پر وړانډې په مبارزه کې د ترکیې سره ګډې همکارۍ ته دوام ورکړي.

د صباح ورځپاڼې  « امریکا باید نور دې رسوايي ته  د پای ټکی کیږدي »  د سرلیک لاندې لیکلي دي ، د ترکیې لومړي وزیر بنعلي ییلدرم  پرون په ملي شورا کې خپل ګوند غونډې ته په وینا کې  د ترهګرۍ پر وړانډې د مبارزې په برخه کې په امریکا سختې نیوکې وکړې  . هغه وویل چې  نن  ورځ  یواځې  ترکیه  ده  چې  د داعش ترهګرې ډلې پر خلاف  مبارزه کوي. امریکا  او نور هیوادونه  یواځې ننداره کوي. هغوې  یواځې  د خبرو  نه  بل څه نکوي. د هغوې  یواځنې کار ترکیې ته لا زیات ترهګرو رالیږل  دي . په ترکیه کې د لا زیاتې کډوډۍ په خاطر د خپل وس او توانه پورې هڅه کوي. د پې کاکا ترهګرې ډلې  عسکري څانګو  پي وای ډي او وای پي جي سره  د وسلو مرسته کوي. دا ډول  چلند  د دوستۍ د شان سره  نه جوړیږي. هیله ده چې  د امریکا  نوې اداره  دې رسوايي ته د پای ټکی کیږدي.

د حرییت ورځپاڼې  « د سوریې اوربند به د نږدې نه وڅارل شي  »  د سرلیک لاندې لیکلي دي ، ترکیه او روسیه  په سوریه کې  د اوربند په اړه د لاسلیک کړي  تړون  په چوکاټ کې  د اوربند د څارولو په موخه  د سوریې په ځینو برخو کې  د څار نقطې جوړوي. همداشان  ترکیې او سوریې پریکړه کړې ده چې  اوربند به د نږدې نه تعقیب کړي  او سرغړونکو  باندې به بندیزونه ولګوي. د بله پلوه  د تړون له مخې  د سوریې  د حکومت او مخالفینو  استازي به د جنوري په ۲۳ مه نیټه  د ملګروملتونو په ګډون  د سولې په اړه  لومړنۍ  خبرې اترې پیل کړي. پدې خبرو اترو کې به د ستونزې د حل په خاطر  نقشه  جوړه کړي.

د سټار ورځپاڼې «  ترکیې  نړۍ سره په تجارت کې  ریکاټ ټینګ کړ »  د سرلیک لاندې لیکلي دي، پداسې حال کې چې په ۲۰۱۶ کال کې په نړۍ کې د تجارت کچه  ۴ سلنه  راټیټه شوې ده د ترکیې صادرات یواځې صفر عشاریه ۸ سلنه  راټیټ شوي دي. ترکیې د نړۍ په تجارت کې خپل موقف  حفظ کړی دی.

د وطن ورځپاڼې  «  په انتالیا کې د ځانګړو الوتکو لپاره  مخصوص ترمینل جوړیږي » د سرلیک لاندې لیکلي دي، د دولتي هوايي ډګرونو ادارې  د انتالیا د څانګې مدیر  عثمان سردار ویلي دي چې  ، په پام کې ده چې  د انتالیا  هوايي ډګر  نور هم  پراخه شي. هغه ویلي دي چې د انتالیا په هوايي ډګر کې هره ورځ په اوسط ډول سره  زر الوتکې  ښکته کیږي  او الوتنې کوي. په هوايي ډګر کې به د ځانګړو الوتکو لپاره مخصوص ترمینل  او د الوتکو لپاره به ځانګړې  ورکشاپ  هم  جوړ کړی شي.