د ترکیې د ورځپاڼو سرټکي

 د وطن ورځپاڼې  لیکلي دي د ترکیې ولسمشر رجب طیب اردوغان  پرون د اګست په شلمه نیټه  د واده په مراسمو د ترسره شوي  ځانمرګي برید د قربانیانو د کورنیو او ددې پیښې  د ټپیانو نه  د لیدنې په موخه  غازي انتب ولایت ته سفر وکړ. ولسمشر اردوغان  د نوموړې  پیښې د قربانیانو کورنیو  نه سربیره   پیښې د ټپیانو نه په روغتون کې لیدنه وکړه. ولسمشر اردوغان وروسته  د جولای ۱۵ مه د دیموکراسۍ په میدان کې  د یووالي او ورورولۍ په غونډه کې  وینا وکړه. ولسمشر اردوغان  ددې خبرې په ټینګار وویل چې  په هیواد کې به د ټولو  ترهګرو ډلو  ریښې وچې کړو. ترهګرو تر پرونه پورې  د سوریې سره په پوله کې  د قار قمش  ولسوالۍ  تهدیدول  خو نن ورځ مو هغوې  په سوریه کې مخکې کړې دي. هغوې  د تیښتې لپاره  سوړي  لټوي. هغوې مخکې  دي او مونږ  ورپسې  یو. په هره سوړه کې چې پټ شي  پټنځایونه به يي د لمنځه یوسو.

د حرییت ورځپاڼې  « د کودتا نه وروسته اروپا ستر خطا وکړه  »  د سرلیک لاندې لیکلي دي د جولای په ۱۵ مه په ترکیه کې د فتح الله ګولن ترهګریز سازمان او موازي جوړښت لخوا د کودتا نه وروسته اروپا لکه څرنګه چې لازم  وه  د ترکیې نه ملاتړ ښکاره نکړ.

اروپايي هیوادونو  یو  یو د خپلې خطا په اعتراف  پیل کړی دی . د ویلو ده چې  د جولای د ۱۵ مې کودتا نه وروسته  د سویډن پخواني د بهرنیو چارو وزیر کارل بیلټ  د اروپا په دریځ  سخته نیوکه وکړه  او وویل چې  « اروپا ستره خطا وکړه  » . کارل بیلټ  د اروپا ستراتیژۍ د مطالعاتو  د نامتو مرکز  د یو هیت سره  انقرې ته راځي. کارل بیلټ وویلي دي  چې  د مني په میاشتو کې ترکیې ته د سفر پلان درلود خو  د جولای د ۱۵ مې کودتا له امله يي د سفر نیټه  مخکې کړه. هغه د اروپا په پارلمان  د کودتا نه وروسته سمدلاسه ترکیې ته د هیت په نه استولو سخته نیوکه وکړه.

هغه ویلي دي چې  د ترکیې او اروپا ترمنځه د اړیکو د بیا راژوندي کیدو په خاطر به  هلې ځلې وکړي.

د سټار ورځپاڼې  « روسیې ته  د سبزې او میوې  صادرات له سره پیلیږي  »  د سرلیک لاندې خبر خپور کړی دی . په خبر کې د ترکیې د غلې کرنۍ او مالدارۍ وزیر فاروق چلیک  له قوله لیکلي شوي دي چې  د روسیې او ترکیې ترمنځه  په اقتصادي او سوداګریزو اړیکو کې  نوې  پاڼه پرانیستل شوه. هغه وویل چې  په نږدې  ورځو کې به  روسیې ته  د ترکیې نه د زراغتي توکو په صادراتو پیل وشي.

هغه  زیاته کړه چې په راتلونکو څو میاشتو کې به د دواړو هیوادونو  ترمنځه  په ځانګړې توګه  د زراعتي  توکو  سوداګرۍ او صادراتو کچه  د پخوا په پرتله  لا زیات شي.

د خبرترک ورځپاڼې  «  د روسیې نه چارتر الوتنې پیل شوې  »  د سرلیک لاندې لیکلي دي  د روسیې  لومړي وزیر دیمیتري مدویدوف  ترکیې ته  د چارتر الوتنو د پیلولو اجازه نامه  لاسلیک کړه. د ترکیې د ګرځندوی  سکتور  ددې پریکړه نه  تود هر کلی وکړ. تمه کیږي  چې  د مني پورې  ۷۰۰ زره تنه روسان  ترکیې ته راشي. د یادولو وړ ده چې د ترکیې د وسله والو ځواکونو لخوا  د تیر کال د نوامبر په ۲۴ مه نیټه  د روسي جنګي الوتکې د ویشتو نه وروسته  روسیې  ترکیې ته په چارتر الوتنو بندیز لګولی وو. د ترکیې ولسمشر رجب طیب اردوغان  د اګست په ۹ مه نیټه  په روسیه کې د ولسمشر ولادیمیر پوتین سره  د لیدنې نه وروسته د دواړو هیوادونو ترمنځه په اړیکو کې نوې پاڼه پرانیستل شوه. روسیې په ترکیې لګولي بندیزونه  یو یو  له منځه یوړ.

د صباح ورځپاڼې  «  د ترکي ژبې فیستیوال د شاندارو مراسمو سره پایته ورسید »  د سرلیک لاندې لیکلي دي د ترکیې د یونس عمر انیستیتیوت سږ کال  د ترکي ژبې د فیستیوال  په خاطر   د نړۍ د ۴۶ هیوادونو نه  ۵۴۰ تنه  زده کوونکي  ترکیې ته رابللي وو. دا  زده کوونکي  د ترکیې  په ۱۶ ولایتونو کې ځای په ځای شوي وو. فیستیوال تیره شپه  په استانبول کې  د ځانګړو مراسمو په ترڅ کې پایته ورسید. دا فیستیوال چې  د جولای د ۱۵ مې د شهیدانو په نامه  جوړ شوی وو  نړۍ ته پکې د سولې او  ورورلۍ  پيغامونه ورکړل شول. دې فیستیوال  یو میاشت دوام وکړ.

په فیستیوال کې ګډون کوونکو بهرنیو میلمنو  د ترکیې د ۱۶ ولایتونو په پوهنتونونو کې  لومړی  ترکي ژبې  کورس  ووایه  او وروسته په فیستیوال کې ګډون وکړ.

د فیستیوال د پای په مراسمو کې د ترکیې د کولتور او ګرځندوی وزیر نبي اوجي هم ګډون کړی وو. هغه ګډونوالو ته په وینا کې وویل چې  ترکي ژبه  د هغه ملت  چې په نړۍ کې لوی لوی مدنیتونه  جوړ کړي  ژبه  ده . نن ورځ  ترکي ژبه په نړۍ کې  د هغو ژبو په کتار کې ځای لري چې تر ټولو زیات پرې خبرې کیږي.