21 наурызда 1-ші Ядролық энергия саммиті өтеді

Сыртқы істер министрі Хакан Фидан Ядролық энергия саммитінде Түркияның энергетикалық қауіпсіздік саясаттарын түсіндіреді.

21 наурызда Бельгияның астанасы Брюссельде 1-ші Ядролық энергия саммиті өтеді.

Саммитте таза энергетикаға көшу, энергетикалық қауіпсіздік және климаттың өзгеруімен күресте атом энергетикасының рөлі талқыланады.

Саммитке Түркия атынан Сыртқы істер министрі Хакан Фидан қатысады.

Министр Фидан сөз сөйлеп, Түркияның энергетикалық қауіпсіздік саясаттарын түсіндіреді және Ақкую атом электр станциясы жобасы туралы ақпарат береді.

Саммитте кәдімгі атом электр станцияларының да, шағын модульдік реакторлардың да Түркияның энергетикалық қауіпсіздігінің негізгі элементі болатыны қатысушыларға түсіндіріледі.

Атом энергетикасы саммитіне атом энергиясын пайдаланатын, осы саладағы әлеуетін арттыруды мақсат етіп отырған және атом энергетикасына көшетін елдердің өкілдері шақырылды.

Саммитке 18 елдің үкімет және мемлекет басшылары немесе орынбасарлары, Еуропалық Одақ Кеңесі мен Комиссиясының төрағалары, 17 елдің министрлері мен жоғары лауазымды тұлғалары қатысады.