Министр Фидан Венесуэлада әріптесі Гилмен бас қосты

Сыртқы істер министрі Хакан Фидан Түркияның аймаққа қатысты саясаттарында Венесуэланың өте маңызды бір орынға ие екенін атап көрсетті.

Фидан бас қала Каракаста Венесуэла Сыртқы істер министрі Иван Гилмен кездесуінен кейін ұйымдастырылған бірлескен баспасөз мәслихатында мәлімдеме жасады.

Министр Фидан Түркия мен Венесуэланың әр деңгейде өте өнімді және жақсарған қарым-қатынасын сақтағанын, экономика, сауда, тау-кен өнеркәсібі, энергетика, ауыл шаруашылығы және туризм салаларында үлкен әлеуеті бар екенін түсіндірді.

Фидан «Венесуэла Түркияның аймаққа қатысты саясаттарында өте маңызды орын алады. Венесуэламен ортақ ұстанымда болған көптеген тақырып бар, әсіресе аймақтық және халықаралық мәселелер. Өздеріңіз білетіндей, олардың бастасы Палестина мәселесі» деді.

Венесуэла президенті Николас Мадуро мен Сыртқы істер министрі Гилге әсіресе Палестинада жалғасып жатқан әділетсіздікке, қатыгездікке, заңсыздыққа, қос стандартқа және халықаралық жүйенің сыбайлас жемқорлыққа қарсы ұстанымдары үшін алғыс білдіргендерін атап көрсеткен Фидан «Осы тұғырдағы елдердің саны артқан сайын туындайтын қысым көбірек болады және біз бұл қысымның алдын аламыз деп үміттенеміз» деді.

Венесуэла Сыртқы істер министрі Гил де екі елдің Палестина халқын қорғау және қырғынды айыптаудағы ортақ ұстанымына назар аударып, елінің президент Ердоғанның Палестина мәселесіндегі ұстанымын мақтан тұтқанын және Мадуромен бірге Израильдің шабуылдарын айыптағанын білдірді.

Гил «Израильдің геноцидін және Палестина халқына шабуылын айыптаймыз. Түркияның Ислам әлемінде, мұсылман әлемі мен аймақта көшбасшылығын жоғары бағалаймыз. Палестина халқының бұл жеңіске жетуінде маңызды рөл атқарады деп ойлаймыз» деді.