Министр Фидан Ливияға барды

Сыртқы істер министрі Хакан Фидан Түркия-Ливия қарым-қатынасының «өте терең тарихи тамыры бар бауырластық қарым-қатынас» екенін мәлімдеді.

Ресми сапармен барған Ливияда Ұлттық бірлік үкіметі премьер-министрі Абдулхамид Дибейбемен кездескен Хакан Фидан кейін мәлімдеме жасады.

Ливияда болғаны үшін қуанышты екенін атап көрсеткен Фидан Түркия-Ливия қарым-қатынасының «өте терең тарихи тамыры бар бауырластық қарым-қатынас» екеніне назар аударды.

Сапары барысында Дибейбемен ауқымды мәселелерді талқылау мүмкіндігі болғанын атап көрсеткен Фидан «Ливияның шекара тұтастығы, тұрақтылығы және әл-ауқатына Түркияның қолдауын қайталадым. Әсіресе қазір атқарылып жатқан және екі ел арасында жасалуы мүмкін тақырыптарды талқыладық» деді.

Премьер-министр Дибейбемен аймақтық қауіпсіздік және тұрақтылық тақырыптарын да талқылағандарын білдірген Фидан «Әсіресе Африканың оңтүстігіндегі кейбір қақтығыстар, дағдарыстар мен азаматтық соғыстар тақырыптарында Түркия-Ливия ретінде бірлесіп не істей алатынымызды қарастыруға мүмкіндік таптық. Терроризм, заңсыз көші-қон және контрабандаға қарсы күрес салаларында ынтымақтастығымызды қайта талқыладық» деді.

Министр Фидан Түрік Әуе жолдарының (ТӘЖ) Ливияға рейстерін қайта бастауы тақырыбындағы пікірлерін өзара растағандарын білдірді.

Фидан келіссөздердің қауіпсіздіктен экономикаға, білім беруден визаға дейінгі ауқымда нәтижелі аяқталғанын білдірді.