Ердоған «Аккую» атом электр стансасы жайлы мәлімдеме жасады

Президент Режеп Тайып Ердоған кеше Түркия Радио Теледидар Мекемесінің (TRT) ортақ хабарында күн тәртібіне қатысты сұрақтарға жауап берді.

Президент Ердоған Қаратеңіз газының бірінші кезеңінің Зонгулдак «Филиос» табиғи газ өңдеу зауытында  іске қосылатынын, "Сакария" табиғи газ алаңының  барлаудан алғашқы өндіруге дейінгі әлемдегі ең жылдам теңіз кен орнын игеру жобасы екенін түсіндірді.

16 сәуірде ұңғымалардағы клапандардың ашылып, теңіз астындағы магистральдық электр жеткізу желісіне газ беріле бастағанын еске салған Ердоған былай деді: «Үш жылдың ішінде бұл кен орнындағы өндіруді 40 миллион текше метрге дейін жеткіземіз. Екінші кезең аяқталғанда барлық үйлердің газ қажеттілігін өтейтін деңгейге жетеміз. Бұл жерде жаңа ашуларға дайындық жүргізіліп жатыр. Орталық Қаратеңізде сейсмикалық зерттеулер жалғасуда. Сейсмикалық зерттеулерден кейін бұрғылау жұмыстары басталады. Батыс Қаратеңіз аймағының әлеуетінің жоғары екенін көрсетеді».

Президент Ердоған «Аккую» атом электр стансасына қатысты «27 сәуірде «Аккую» атом электр стансасына жаңа жанармай  әкелу рәсімін өткіземіз. Табиғи газ алаңына жаңа жанармайдың енгізілуімен «Аккую» ядролық нысан мәртебесіне ие болады. (Ресей президенті Владимир) Путин де салтанатты рәсімге бейнеконференция арқылы қатысады. Еліміздегі электр қуатының 10 пайызы осы стансадан қамтамасыз етіледі. Экономикаға 6,5 миллиард доллар үлес қосатын «Аккую» 7 миллиард текше метр табиғи газдың импортына да тосқауыл болады» деді.

Түркияның әлемдегі ең маңызды ядролық күштердің біріне айналатынын түсіндірген Ердоған Түркия ғасырының да энергия ғасыры болатынын айтты.