Чавушоғлу: "Түрік мемлекеттері ұйымы біздің арманымыз еді"
ТМҰ Сыртқы істер министрлері жиналысы Анкарада басталды.
Сыртқы істер министрі Мевлүт Чавушоғлу «Түрік мемлекеттері ұйымы (ТМҰ) біздің арманымыз еді. Ол орындалды. Біз корпоративтік инфрақұрылымымызды күннен күнге нығайтып жатырмыз; ынтымақтастығымызды жаңа салаларда күшейтудеміз» деді.
Чавушоғлу бас қала Анкарадағы Президенттік сарайда өткен ТМҰ Сыртқы істер министрлері жиналысының отырысында үн қатты.
Өзбекстан Сыртқы істер министрі Бахтияр Саидов, Әзербайжан Сыртқы істер министрі Джейхун Байрамов, Қырғызстан Сыртқы істер министрі Джеенбек Кулубаев, Қазақстан Сыртқы істер министрінің бірінші орынбасары Кайрат Умаров, Венгрия Сыртқы істер және сауда министрі Петер Сийярто, Солтүстік Кипр Түрік Республикасының (СКТР) Сыртқы істер министрі Тахсин Эртуғрулоғлу, Түрікменстанның Стамбул Бас консулы Мыратгелди Сейитмаммедов және ТМҰ бас хатшысы Кубанычбек Өміралиев қатысты.
«Түрік мемлекеттері ұйымы біздің арманымыз еді. Ол орындалды» деген Чавушоғлу «Біз корпоративтік инфрақұрылымымызды күннен-күнге нығайтып, ынтымақтастығымызды жаңа салаларда күшейтеміз» деді.
Чавушоғлу жасыл технологияны пайдаланатын және ақылды қалалары бар түрік әлемін құру керектігін атап «Жаһандық энергетикалық теңдеудегі салмағымыз артып келеді. Біз «Баку-Тбилиси-Джейхан мұнай құбыры» мен «Транс-Анадолы табиғи газ құбыр (TANAP) желісі» сияқты ауқымды энергетикалық жобаларды бірге жүзеге асырдық. Біз Каспий аймағынан қосымша табиғи газды халықаралық нарыққа шығару үшін «TANAP» бойынша ынтымақтастықты арттыруымыз керек» деді.
Чавушоғлу Азия өңірі қайтадан көтерілген осы кезеңде Орта дәліздің жаһандық саудадағы үлесін арттыруы керек екенін білдірді.
Чавушоғлу мүше елдердің экономикаларының мықты интеграциясы үшін Түрік инвестициялық қорына мән беретіндерін тілге тиек етті.
Украинадағы соғыстың, Ауғанстандағы оқиғалардың және аймақтағы басқа мәселелердің ТМҰ және мүшелеріне қатысты екенін айтқан Чавушоғлу «Біртұтас санамен тарих ағынын сыпырмай, бағыт-бағдар бергенді жөн көргеніміз абзал. Сондықтан бірлігімізді нығайтуымыз керек» деді.
Чавушоғлу СКТР-ның бақылаушы мүше ретінде болуының бұл тұрғыдан өте мағыналы екенін атап «Кипр түрік халқының егемендік теңдігін, құқықтары мен халықаралық мәртебесін тіркеу және олар ұшыраған оқшаулау мен шектеулерді жою біздің ортақ мақсатымыз болуы керек» деді.
