Жер сілкінісінен қаза тапқандар саны 17 мың 674-ке жетті

Вице-президент Фуат Октай эпицентрі Кахраманмараштағы 7,7 және 7,6 балдық жер сілкінісінен қаза тапқандар санының 17 мың 674-ке, жараланғандар санының 72 мың 879-ға жеткенін жариялады.

Қазіргі уақытта 29 мың 622 іздеу-құтқару тобының далада екенін атап өткен Оқтай ауылдарға да шоғырланғандарын, әр ауылға жеткенше жұмыстардың аяқталмайтынын айтты.

Осы іздеу-құтқару топтарының 6 мың 479-ының әртүрлі елдерден келгенін түсіндірген Октай 75 елден келген топтар үшін бұл елдерге алғыс айтты.

Салада жұмыс істейтін жалпы қызметкерлер санының 120 мың 344 екенін айтқан Октай Килис пен Шанлыурфада іздеу-құтқару жұмыстарының тамамдалғанын, Диярбакыр, Адана және Османиеде де үлкен көлемде аяқталғанын айтты.

Тамақтану мен баспананың іздеу-құтқару сияқты маңызды екеніне назар аударған Октай үлес қосқан барлық ұйымдарға алғыс айтты.