Президент Ердоған Әзербайжанда
Президент Режеп Тайып Ердоған бір күндік ресми сапармен Зангилан қаласына барды.
Әзербайжан президенті Ильхам Әлиевтің шақыруымен бір күндік жұмыс сапарымен осы елге барған президент Режеп Тайып Ердоған Зангилан қаласына барды.
Ердоған мінген ұшақ Әзербайжанның азат етілген жерінде түрік фирмаларының да үлесімен салынған екінші әуежай Зангилан халықаралық әуежайына қонды.
Мұнда Әзербайжан президенті Ильхам Әлиев қарсы алған Ердоған аяқталған әуежайға қонған алғашқы мемлекет басшысы болды.
Жаңа әуежайдың ашылу лентасын қиған Ердоған мен Әлиевке әуежайдың символикалық кілттері табыс етілді.
Президенттік аппараттың Коммуникация басқармасынан жасалған мәлімдемеге қарағанда, Ердоған кейін аймақтың дамуы үшін басталған жаңа жобалардың негізін қалады.
Сапар барысында өтетін екіжақты кездесулерде Түркия-Әзербайжан арасындағы қарым-қатынастардың барлық өлшемдері қарастырылып, ынтымақтастықты одан әрі дамыту үшін басылатын қадамдар талқыланбақ.
Сондай-ақ екіжақты қарым-қатынастарға қоса күн тәртібіндегі өзекті аймақтық және жаһандық мәселелер бойынша пікір алмасу көзделген.
