"Әзірге түрік теңізшілерді алып қашқан қарақшылардан хабар жоқ"
Мевлүт Чавушоғлу Түркия Ұлы Ұлттық Мәжілісінде (ТҰҰМ) баспасөзге мәлімдеме жасады.
Сыртқы істер министрі Мевлүт Чавушоғлу Гвинея шығанағында қарақшылар алып қашқан кеме экипажына қатысты әлі ешкіммен жасамағанын бiлдiрдi.
Чавушоғлу «Азаматтарымызға қарсы шабуыл жасалды. 15 азаматымызды қарақшылар алып қашты. Кеме таза және қауіпсіздікпен байланысты мәселе жоқ. Біздің бір азаматымыз жаралы, дегенмен жағдайы жақсы» деді.
Президент Режеп Тайып Ердоғанның басынан бері бұл процесті қадағалағанын атап көрсеткен Чавушоғлу «Әзірге түрік теңізшілерді алып қашқан қарақшылардан хабар жоқ. Біз аймақтағы барлық елдермен байланыс орнаттық» деді.
«Моцарт» атты Либерия байрақты кеме кеше Лагос қаласынан 180 мильдей қашықтықта теңіз қарақшыларының шабуылына ұшырады.
Теңіз қарақшылары 19 адамнан тұратын экипаждан 15 теңізшіні кепілдікке алып кемеден кеткен және шабуылда Әзербайжан азаматы 1 теңізші ажал құшқан болатын.
Кеме 3 экипаж мүшесімен Габонның Порт-Джантиль портына қарай бет алған еді.
