Түркия Діни қоры Ауғанстанға жәрдем материалдарын жолдады

Түркия Дін істері басқармасы қоры Ауғанстанның Мазар-ы Шериф қаласындағы лагерьлерде тұратын босқындарға жәрдем жасады. 

Түркия Дін істері басқармасы қоры Ауғанстанда жалғасып жатқан ішкі соғыс себепті мекендерінен кетіп, Зебихуллах шәйіт лагерін паналаған көмекке мұқтаж 700 отбасына Рамазанға орай жәрдем материалдарын таратты.

Рамазан айында Түркия Дін істері басқармасы қоры Ауғанстанның  Кабулды қамтыған көптеген уәлаяттарына да жәрдем материалдарын жолдады.

Рамазан жәрдемі аясында 3 мың отбасына жәрдем жеткізілді.