"Кейбір проблемалар шешілді"

Премьер-министр Бинали Йылдырым Германиямен қарым-қатынастарда кейбір проблемалардың шешілгенін айтты.

Мюнхен Қауіпсіздік конференциясы үшін Германияда жүрген премьер-министр Йылдырым Түркияда тұтқындаулы «Die Welt» тілшісі Дениз Юджел еркін жіберілгеннен кейін мәлімдеме жасады.

Германия мен Түркия қарым-қатынастарында жақсару бар екенін білдірген Йылдырым: «Германия мен Түркия қарым-қатынастарында болған кейбір проблемалар бүгін шешілген секілді көрінеді.  Одан да жақсы болады деп тілейміз. Бұдан былай қарым-қатынастарды жетілдіретін қадамдар басамыз.  Біз бірлікті, ынтымақтастықты бұзуға бағытталған істерге рұқсат берілмеуін, террорлық ұйымдарға қолдау көрсетілмеуін күтеміз» деді.