Әзербайжанда бірлескен әскери жаттығу жалғасуда

Түркия, Әзербайжан және Грузия арнайы күштерінің бастамасымен Әзербайжанда ұйымдастырылған бірлескен әскери жаттығу жалғасуда.

Әзербайжан Қорғаныс министрлігінен жасалған мәлімдемеге қарағанда 4 маусым күні басталған «Кавказ қыраны 2024» оқу-жаттығуында камуфляжды жасақтар жаудың символдық  аймақтарына кенеттен шабуыл жасады.

Оқу-жаттығуда символдық жаудың басқару орталығы мен байланыс құралдары істен шығарылып, адам күші де залалсыздандырылды.

Арнайы жасақ мүшелері барлық тапсырмаларды сәтті орындағаны айтылды.