Ақсақалдар кеңесінің мүшелері бас қосты

Түрікменстанда Түрік Мемлекеттері Ұйымының Ақсақалдар кеңесінің мүшелері бас қосты.

Ел астанасы Ашхабадта өткен кездесуде жаһандық және аймақтық мәселелер мен ынтымақтастықты нығайту мақсаттары талқыланды.

Ақсақалдар кеңесі отырысына Түркия атынан Кеңес төрағасы Бинали Йылдырым қатысты.

Кездесуге Түрік Мемлекеттері Ұйымының Бас хатшысы Кубанычбек Өміралиев, сондай-ақ Қазақстан, Қырғызстан, Өзбекстан және Венгриядан келген делегациялар қатысты.

Кеңес төрағасы Бинали Йылдырым жиналыстан кейін ұйымның соғыстар мен қақтығыстар орын алған әлемдегі маңыздылығын түсіндірді. Бинали Йылдырым «Түрік Мемлекеттері Ұйымының мақсаты аймақтағы біреулерді қорқыту емес, ешкімнен қорықпайтынын көрсету. Біздің мақсатымыз – бейбітшілікті нығайту. Өйткені Украина-Ресей соғысы жүріп жатыр. Израиль геноцид жасап отыр. Ұйым ретінде біз аймақтағы дүрбелеңді тоқтату үшін бар күшімізді салудамыз» деді.

Бинали Йылдырым Жібек жолының маңыздылығының күн санап артып келе жатқанын да білдірді. “Жібек жолы бағыты тікелей және жанама түрде 60 елге қатысты және әлемдік ұлттық табыстың 65 пайызына бағытталған. Түрік инвестициялық қоры құрылды, бұл инвестициялық қордың штаб-пәтері Стамбулда орналасқан. Мақсат – осында өндірілген ресурстармен түрік мемлекеттеріндегі шағын және орта бизнесті қолдау” деді ол.