Астанадағы орталық көшеге «Анадолы» аты берілді

Түркия Республикасының құрылғанына 100 жыл толуына орай Қазақстандағы бір көшеге «Анадолы» атауы берілді.

Қазақстанның бас қаласы Астанадағы орталық көшелердің біріне «Анадолы» атауы берілді.

Түркияның Қазақстандағы өкілетті елшісі Мұстафа Капуджу Астананың "Нұр Әлем" кешені сияқты танымал туристік орындар орналасқан аудандағы көшеде өткен салтанатты рәсімге қатысты.

Елші Еуразия географиясының қарама-қарсы шетінде орналасқан екі ел арасындағы алыс қашықтыққа қарамастан Түркия мен Қазақстанның тіл, мәдениет, дін бірлігі сияқты ортақ тәуелділіктері бар екенін айтты.

Елші Капуджу кеше Астанадағы Ататүрік саябағында екі ел арасындағы рухани байланыста маңызды орынға ие Қожа Ахмет Ясауидің Анадолыдағы өкілі саналатын Юнус Эмренің ескерткішінің бетін ашқандарын білдірді.

"Түркия Республикасының құрылғанына 100 жыл толып жатқан тұста ашылып отырған «Анадолы» көшесі жаңа ғана біз түйіндеген түрік-қазақ бірлігінің әдемі символы деп ойлаймын" деді елші.

Астана әкімінің орынбасары Есет Байкен Қазақстан президенті Қасым-Жомарт Тоқаев Түркия Республикасының құрылғанына 100 жыл толуына орай Астанадағы бір көшеге «Анадолы» атауын беру туралы жарлық жариялағанын мәлімдеді.

Есет Байкен "Бүгін барлығымыз осы көшенің ашылуына куә болып отырмыз" деді.