«Мұстафа Кемал Ататүрік 2023» бірлескен оқу-жаттығуы табысты өтіп жатыр
«Құрметті бақылаушы күні» шарасына ТР Ұлттық Қорғаныс министрі Яшар Гүлер, Әзербайжан Қорғаныс министрі Закир Хасанов қатысты.
Түрік және Әзербайжан Қарулы күштері Әзербайжанда ұйымдастырған «Мұстафа Кемал Ататүрік 2023» бірлескен оқу-жаттығуы табысты өтіп жатыр.
Түркия Республикасының құрылғанына 100 жыл толуына орай ұйымдастырылған оқу-жаттығудың «Құрметті бақылаушы күні» шарасына ТР Ұлттық Қорғаныс министрі Яшар Гүлер, Әзербайжан Қорғаныс министрі Закир Хасанов және Тәжікстан Қорғаныс министрі Шерали Мирзон қатысты.
Ел астанасы Баку маңындағы әскери оқу-жаттығу аймағында өткен «Құрметті бақылаушы күні» шарасы барысында орындалған тапсырмалар нағыз соғыс көріністерін қалыптастырды. Оқу-жаттығу түрік және Әзербайжан командалық бөлімшелерінің қарсыласу желісіндегі «жау» позицияларын алуымен басталды. Жаттығу барысында «жаудың» қорғаныс бөлімшелері залалсыздандырылды. Түріктің F-16 ұшақтары «жау» нысандарын жойды.
Бакуде, Нахчыванда және оккупациядан азат етілген аймақтарда өткен оқу-жаттығуға 3 мың адам, 130 танк пен броньды көлік, 100-ге жуық артиллериялық және зымыран жүйесі, 20-ға жуық ұшақ пен тікұшақ қатысты.
Түрік және Әзербайжан әскерлері арасындағы өзара әрекеттестік пен координацияны арттыруды мақсат еткен «Мұстафа Кемал Ататүрік 2023» жаттығуы ертең аяқталады.
Ұқсас жаңалықтар
Ильхам Әлиев пен Энтони Блинкен сөйлесті
Энтони Блинкен Әзербайжан мен Армения арасында жасалған келісімді қолдайтындарын білдірді.