Германиядағы түрік радиосының аты өзгерді

Германиядағы тұңғыш түрік радиосы «Cosmo Turkish» деген есіммен хабар таратуын жалғастырады.

1964 жылы Германия Федералдық Республикасының радио және телевидение корпорациясының (WDR) құрылымында хабар тарата бастаған және елдегі алғашқы түрік трансляциясы болып табылатын «Кельн радиосының» атауы «Cosmo Turkish» деп өзгертілді. Енді ол интернет арқылы подкаст жариялайды.

«Cosmo Turkish» радиосының бас редакторы Тунджай Өздамар WDR цифрландыру процесін екі жыл бұрын бастағанын және барлық негізгі тілдегі хабарларды подкаст форматында жариялау туралы шешім қабылданғанын білдірді.  Ол осы шешім аясында Кельн радиосының да «Cosmo Turkish» деп өзгертілгенін айтты.

Өздамар жаңа подкаст хабарларының Кельн радиосының мәселелерінен көп айырмашылығы болмайтынын айтты. «Біз Еуропада немесе Түркияда тұратын түрік тілді тыңдармандарға қатысты мәселелермен тікелей айналысамыз» деді ол.

Подкаст тыңдауға болатын барлық медиа түрлерінде «Cosmo Turkish» орын алатындарын білдірген Өздамар осы эфирлер арқылы ауқымды және жас аудиторияға жетуді қалайтындарын айтты.