Қазақстанның халықаралық телефон коды өзгереді

Қазақстан Кеңес Одағы ыдыраған соң Ресеймен бірге қолдана бастаған +7 болған Қазақстан халықаралық телефон кодын +997-ге өзгертуге шешім қабылдады.

Қазақстан Цифрлық даму, инновациялар және аэроғарыш өнеркәсібі министрі Бағдат Мусин әлеуметтік желідегі аккаунтында БҰҰ жанындағы Халықаралық электр байланыс одағының Қазақстанға жаңа +997 дэф кодын белгілегенін мәлімдеді.

Кеңес Одағы ыдыраған соң +7 халықаралық телефон кодының әрі Қазақстан, әрі Ресейге бірдей бекітілгенін атап көрсеткен Мусин «Енді біздің елден басқа мемлекетке қоңырау шалғанда, шетелдіктердің телефонында Қазақстан деген жазу шығады. Сондай-ақ халықаралық деңгейдегі цифрлы сервистерді қолданғанда да, барлық жерде Қазақстан деген сигнал шығады» деді.

«Қазақстанға ғана тиесілі халықаралық кодқа қол жеткізу үшін былтырдан бері телекоммуникация саласындағы компаниялармен бірге жан-жақты жұмыс жүргізіп келеміз. Осы келіссөздердің нәтижесінде біздің елге дербес +997 коды бекітілді!» деді, ол.

Қазақстан 2023 жылдан бастап жаңа халықаралық кодқа ауысады деп жоспарлануда.