«Дәстүрлі түрік өнері көрмесі» ашылды

Босния және Герцеговинаның астанасы Сараевода Мимар Синан көркем өнер университетінен профессор Ахмет Сажит Ачыкгөзоғлу мен оның командасының туындыларынан тұратын «Дәстүрлі түрік өнері көрмесі» ашылды.

Сараеводағы Гази Хүсрев Бей медресесінде ашылған көрмеге Түркияның Босния және Герцеговинадағы елшілігі, Юнус Эмре институты, Босния және Герцеговина Ислам Одағы да қолдау көрсетті.

Ашылу бағдарламасына Түркияның Босния және Герцеговинадағы өкілетті елшісі Садык Бабур Гиргин, Юнус Эмре институтының Сараево директоры Мехмет Акиф Яман, сонымен қатар түрік мекемелерінің өкілдері және көптеген қонақтар қатысты.

«Дәстүрлі түрік өнері көрмесіне» хаткерлік, эбру, иллюминация, катьи, миниатюра, кубур және керамика өнерінен 33 туынды қойылды.