Мысырда 3 мың 500 жылдық 6 мумия табылды
Ежелгі жәдігерлер министрі Халид Әл-Анани мәлімдеме жасады.
Мысырдағы ежелгі Патшалар алқабы маңында 18-ші патшалықтан қалған 3500 жылдық Мумия табылды.
Ежелгі жәдігерлер министрі Халид Әл-Анани, Әл-Уксур қаласының батысындағы Дра Абу әл-Нага некропольінде жүріп жатқан археологиялық қазба жұмыстары барысында перғауын дәуіріне тән 6 мумия табылғанын жариялады.
Әл-Анани мумиялардың бірінің ежелгі қалада сот төрешісі ретінде міндет атқарған жоғары лауазымды Усерсаттың мумиясы екенін және 18-ші Мысыр патшалығы кезеңінен қалғанын білдірді.
Мысырда перғауындардың мазарлары орын алған белгілі Патшалар алқабы маңындағы археологиялық жұмыстарға басшылық жасаған Мұстафа әл-Везири болса ондаған тарихи жәдігерге қоса перғауындарға тән 6 мумия, табыттар және мыңнан астам мүсін табылғанын мәлімдеді.
Табылған мумиялардың жақсы сақталғанын атап айтқан Везири «Археологиялық қазба жұмыстары барысында мумиялардың беймәлім бір аурудың салдарынан көз жұмғаны анықталды» деді.
Мысырдың 18-ші патшасы Б.д.б. 1550-1298 жылдары арасында билік жүргізген болатын.