Джо Байден Ресейге құқай көрсетті
Джо Байден Ресейде «тыңшылық жасады» деп айыпталған америкалық журналист Эван Гершковичтің ұсталуының бір жылдығында мәлімдеме жасады.
АҚШ президенті Джо Байден Ресейде «тыңшылық жасады» деп айыпталған америкалық журналист Эван Гершковичтің ұсталуының бір жылдығында Мәскеуге құқай көрсетті.
Байден «Wall Street Journal (WSJ)» журналисі Гершковичтің Ресейде «тыңшылық айыптарымен» ұсталуының 1 жылдығына байланысты жазбаша мәлімдеме жасады.
Байден мәлімдемесінде Мәскеу әкімшілігін айыптап, Ресей америкалықтарды «келіссөздер құралы» ретінде пайдаланғысы келетінін алға тартты.
«АҚШ мұның құнын Ресейді төлеуге мәжбүр етеді» деген Байден Гершковичті түрмеден шығарып, АҚШ-қа оралу үшін барын салғанын айтты.
АҚШ Мемлекеттік хатшысы Энтони Блинкен де тақырыпқа байланысты жазбаша мәлімдеме жасап, Гершковичтің Ресей тарапынан әділетсіз түрмеге жабылғанын және Мәскеудің бұл мәселені саяси көзір ретінде пайдалануға тырысқанын алға тартты.
Еске сала кетейік, "WSJ" газетінің Мәскеудегі кеңсесінде репортер болып жұмыс істеген Эван Гершкович 2023 жылы 29 наурызда Ресей Федерациясының Орал облысының Екатеринбург қаласында тыңшылық жасады деген күдікпен ұсталған еді.
