АҚШ Йемендегі хоуситтерге шабуыл жасады

Америка Құрама Штаттары (АҚШ) Йемендегі Иранның қолдауындағы хоуситтер бақылауындағы аймақтарда ұзақ қашықтыққа ұшатын 4 ұшқышсыз әуе көлігі жүйесінің жойылғанын хабарлады.

АҚШ Орталық қолбасшылығы тақырыпқа байланысты жазбаша мәлімдеме жасады.

Мәлімдемеде кеше алыс қашықтыққа ұшатын 4 ұшқышсыз әуе көлігі жүйесінің бір АҚШ соғыс кемесін нысанаға алғаны, осылайша қорғаныс шабуылы жасалғаны хабарланды.

Мәлімдемеде хоуситтердің бақылауындағы аймақтарда ұшқышсыз әуе көлігі жүйелеріне соққы берілгені және бұл әрекеттердің навигация еркіндігін қорғау үшін жасалғаны айтылды.

Иран қолдаған хоуситтер Израильдің Газаға жасаған шабуылдарына наразылық ретінде 31 қазаннан бері Израиль компанияларымен байланысы бар деп санайтын Йемен жағалауында коммерциялық кемелерді басып алып, кейбіріне ұшқышсыз әуе аппаратары және зымырандар  арқылы шабуыл жасауда.

Хоуситтердің әрекетінен кейін көптеген жүк тасымалдау компаниялары Қызыл теңіздегі саяхаттарын тоқтатуға шешім қабылдады.

АҚШ 18 желтоқсанда жаһандық теңіз сауда қауіпсіздігіне қауіп төніп тұрғанын сылтау етіп, бір топ елдің қатысуымен хоуситтер күштеріне қарсы «Әл-ауқат сақшысы операциясы» деп аталатын көп ұлтты «теңіз жұмыс күшіннің» құрылғанын жариялады.

АҚШ пен Ұлыбританияның Йемендегі хоуситтер бақылауындағы аймақтарға шабуылынан кейін хоуситтер АҚШ пен Ұлыбританияның барлық кемелерін нысанаға алатынын жариялады.