Израиль Рафах қаласының түрлі аймақтарын бомбалауда
2,3 миллион халқы бар Газа секторында ірі гуманитарлық апат орын алды.
Израиль армиясының Газа секторының оңтүстігіндегі Хан Юнус қаласында қоныс аударған палестиналықтар тұрған шатырды бомбалауы салдарынан 12 палестиналық қаза тапты. Қаза тапқандардың ішінде балалар да бар.
Палестиналық «WAFA» ақпарат агенттігінің хабарлауынша, Израиль күштері Хан Юнустың батысында орналасқан әл-Маваси аймағын бомбалады.
Израиль армиясы Газаның оңтүстігіндегі Рафах қаласының түрлі аймақтарына әуеден соққы берді. Бұл шабуылдарда қаза тапқандар мен жараланғандар болғаны хабарланды.
2,3 миллион халқы бар Газа секторында ірі гуманитарлық апат орын алды. Израиль армиясы 7 қазаннан бері қоныс аударған палестиналықтарды паналаған азаматтық елді мекендерді, ауруханаларды, мектептер мен баспаналарды нысанаға алуда. Шабуылдарда көбі балалардан құралған 32 мың 414 палестиналық қаза тауып, 74 мың 787 адам жараланды.
Ұқсас жаңалықтар
С.Корея басшысы халық армиясының 92-ші жылдығында үн қатты
Ким Чен Ын жауынгерлік қабілетін арттыру үшін офицерлерді көбірек оқыту керектігін білдірді.