"ДАИШ - әлі де қауіп"

Америка Құрама Штаттары (АҚШ) Мемлекеттік хатшысы Энтони Блинкен террор ұйымы ДАИШ-тің «әлі де қауіп» екенін айтты.

Энтони Блинкен ел астанасы Вашингтонда Ирак премьер-министрінің орынбасары және Сыртқы істер министрі Фуад Хусейнмен кездесуінде баспасөз өкілдеріне мәлімдеме жасады.

Ирактың аймақтың тұрақтылығы үшін «өте маңызды» екенін атап көрсеткен Блинкен «ДАИШ-тің әлі де шынайы қауіп екенін есте ұстауымыз керек» деді.

«Осы қауіппен күресу және қауіпті азайту үшін жылдар бойы жасаған өте жақсы жұмысымызға қарамастан, бірнеше күн бұрын Ресейдегі жан түршігерлік шабуыл террор ұйымының күшін сақтап қалуды жалғастырғанын еске салды» деген Блинкен «жұма күні Мәскеудегі шабуылда қаза тапқандарды құрметпен еске аламыз» деді.

АҚШ министрі Блинкен «Бұл ДАИШ-пен күресуді жалғастырып, оның қайта күшін жинамайтынына көз жеткізуіміз керек екендігі туралы ескерту», ​​- деді.

Ресейдегі шабуылды айыптаған Ирак премьер-министрінің орынбасары әрі Сыртқы істер министрі Хусейн де елінің осы террор ұйымымен күресіне назар аударды.