Газа секторында соңғы 24 сағатта 104 адам қаза тапты

Израиль армиясының Газа секторына 7 қазан күнінен бері көмектің жеткізілуіне кедергі келтіріп ашаршылыққа әкелген шабуылдарында адам шығыны соңғы 24 сағатта 104 артып, 31 мың 923-ке жетті.

Газа секторындағы Палестина Денсаулық сақтау министрлігі жасаған мәлімдемеде Израильдің 166 күннен бері Газа секторында жасап жатқан шабуылдары туралы ақпарат бөлісті.

Израиль күштерінің Газа секторына соңғы 24 сағатта жасаған шабуылдарында тағы 104 палестиналықтың қаза тапқаны және 162 палестиналықтың жараланғаны білдірілді.

Израильдің 7 қазан күнінен бері Газа секторына жасаған шабуылдарында қаза тапқандар санының 31 мың 923-ке, жараланғандар санының 74 мың 96-ға жеткені хабарланды.

Мәлімдемеде үйінділер астында және жол бойында әлі де өлген адамдардың болғаны, бірақ Израиль күштерінің кедергісі салдарынан медициналық және азаматтық қорғаныс топтарының мәйіттерге жете алмағаны баса айтылды.