Мәскеу бүкіл Еуропамен соғысқа дайындалып жатыр ма?

РФ Бас штаб басқармасы Әскери академиясының директоры генерал Владимир Зарудницкий Украина соғысының бүкіл Еуропаға тарауы мүмкін екенін ескертті. Ресейлік «РИА» ақпарат агенттігінің хабарлауынша, Зарудницки бұл туралы Қорғаныс министрлігі жариялаған «Әскери ой» (Военная мысль) журналында жарияланған мақаласында жазды.

Зарудницкий өз мақаласында «Украинадағы қақтығыстың өршу мүмкіндігін елемеуге болмайды. Ресеймен әскери қақтығыс үшін қолданылатын «сенімді күштердің» саны артып, тіпті Еуропада ауқымды соғыс басталуы мүмкін» деді.

Сондай-ақ генерал «Біздің мемлекетке төніп тұрған әскери қауіп-қатердің негізгі көзі Ресейді толығымен әлсірету, егемендігін шектеу және топырақ тұтастығын жою мақсатында заманауи түрдегі гибридті соғыс жүргізген АҚШ пен оның одақтастарының Ресейге қарсы саясаты болып табылады. Мемлекетімізді жаңа әскери қақтығыстарға әдейі тарту мүмкіндігі айтарлықтай артып отыр» деді.

Зарудницкий Ресей жасақтарының қайта құрылуы тақырыбында пікірін білдіріп, «барлық орыс қоғамын қорғаныс қажеттіліктері төңірегінде біріктіруге» шақырды.