CIA-ның Украинаға қолдауы әшкереленді

АҚШ Орталық Барлау Басқармасының (CIA) Украинада 14 құпия база құрып, құрал-жабдықтар мен барлау қолдауын қамтамасыз ету арқылы Ресеймен екінші жыл соғысып жатқан соғыста маңызды рөл атқарғаны анықталды.

АҚШ-та жарияланатын «The New York Times» газетінің украиндық және американдық жоғары деңгейдегі барлау қызметкерлеріне сілтеген хабарында екі елдің барлау қызметтері арасындағы қарым-қатынастың 2022 жылдың ақпан айында басталған Ресей-Украина соғысынан шамамен 8 жыл бұрын басталғаны баса айтылды.

Өзара барлау ынтымақтастығы Ресей-Украина соғысында жалғасқанымен, хабарда Вашингтонның елдегі қызметкерлерін эвакуациялағаны, бірақ тыңшыларын артта қалдырғанына назар аударылды.

Хабарда CIA-ның ұзақ жылдар бойы Украина барлау бөлімшелеріне оқу, құрал-жабдықтар және барлау қолдауы бергенін, елде 14 құпия база құрғанын және 2022 жылы соғыстың басталуымен Украинаның қорғанысына елеулі үлес қосқанын атап көрсетті.

Хабарға қарағанда CIA мен Украинаның барлау бөлімшелері арасындағы жақындық соғыстан шамамен 8 жыл бұрын басталған және АҚШ-тың үш бөлек президенті кезінде де жалғасқан.

Кеңес Одағы ыдырағаннан кейін ұзақ уақыт бойы Ресейге жақын болып көрінген Киев әкімшілігі 2014 жылы АҚШ-қа жақындай бастады.

CIA 2016 Ресей барлауының цифрлық жүйесін бұзып, ресейлік пилотсыз әуе көліктері және байланыс құралдарын бақылауға алу үшін оқу-жаттығудан өткізді.

Дайындалған арнайы жасақ сарбазы генерал Кирило Буданов 2020 жылдың тамызынан бері Украина Қорғаныс министрлігінің барлау басқармасының басшылық қызметін жүзеге асыруда.

Екінші жағынан CIA Ресей, Еуропа, Куба және орыс халқы көп басқа жерлерде жұмыс істейтін украиналық барлау қызметкерлерін оқытуға қолдау көрсетті.

CIA тыңшылары соғыс кезінде Ресейдің шабуыл жасауды жоспарлаған жерлері және қолданатын қару жүйелері туралы маңызды ақпаратты Украинамен бөлісті аталмыш кезеңнің ішкі барлау бөлімшесі болған Украина қауіпсіздік қызметінің (СБУ) басшысы Иван Баканов «Оларсыз Ресейге қарсы тұру немесе жеңу мүмкін болмас еді» деді.

Тараптар арасындағы ынтымақтастықты жалғастырудың уәдесі ретінде CIA директоры Уильям Дж. Бернс соғыс басталғаннан бері Украинаға 10 рет барды.