АҚШ пен Ұлыбритания Йеменді 11 рет атты

Йемендегі хоуситтер АҚШ мен Ұлыбританияның батыстағы Худейда қаласына таңертеңнен бері 11 шабуыл жасағанын хабарлады.

Хоуситтерге тиесілі «Әл-Месира» телеарнасының хабарына қарағанда, АҚШ пен Ұлыбритания Худейда қаласының Әл-Салиф ауданындағы Рас-Исса аймағында бесінші рет әуе шабуылын жасады.

Таңертең АҚШ пен Ұлыбритания әуе күштерінің жағалаудағы Худейда қаласына 6 рет шабуыл жасағаны жарияланды.

Худейда ұзын бір жағалауға ие болғанына қоса, үш маңызды порты болғаны себепті Йеменнің ең маңызды қалаларының бірі болып есептеледі.

АҚШ Орталық қолбасшылығының таңғы уақытта жасаған мәлімдемесінде 19 ақпан күні хоуситтердің Йеменнің Аден портына бет алған АҚШ-қа тиесілі «M/V Sea Champion» (M/V теңіз чемпионы) атты грек жалаулы сусымалы жүк кемесін нысанаға алып екі баллистикалық зымыран атқаны атап көрсетілген болатын.

Иран қолдау берген хоуситтер Израильдің Газа секторындағы шабуылдарына наразылық ретінде 31 қазан күні Йемен жағалауында Израиль компанияларымен байланысы бар деп есептегендері коммерциялық кемелерді басып алып, олардың кейбіріне пилотсыз әуе көліктері және зымырандармен шабуыл жасай бастады.

АҚШ күштері осы аралықта Йеменнен атылған көптеген зымыран мен камикадзе пилотсыз әуе көлігін атып түсіргендерін жариялады.

Жаһандық сауданың шамамен 12 пайызын Жерорта теңізін Қызылтеңізге жалғап, Еуропа мен Азия арасындағы ең қысқа бағытты ұсынатын Суэц каналы арқылы жүзеге асырады.